على ما يبدو يا سيد عبده باقي خطوة ولاّ اتنين ويقف رجل الأعمال نجيب النجيب، الشهير بزعيم زيرو اتناشر، ويديها بالحياني صارخا: «أنا اللمبي يابشر.. أنا الفِتك»، إهدى يا سوسو، خُد نفسك يا فتكنجي، أقولك خد بُق عصير لمون بالنعاع يمكن المزاج يتعدل، روق يا نجيب، لا اااا، حقي وهاخده بدراعي، إحنا حلوين أوي، مدورين، ملفوفين، مبرومين، وشوفوا بقى.. خير يا سوسو؟ كراسيا في البرلمان هاخدها.. هاخدها.. وبالطول بالعرض.. هجيب الحصانة الأرض، أنا الجدع، واحد طويل من إياهام واقف هناااك بيسأل: «هو نجيب النجيب ماله؟».. لا ااا، ما تخدش في بالك .. واضح إنه ضارب كوز عرقسوس ع الصبح فاصل شبكة دماغه.
