سألت الطفلة بسملة، الناجية من حريق، الرئيس عبدالفتاح السيسي، خلال احتفالية قادرون باختلاف، قائلا: حضرتك بتشتغل كام ساعة في اليوم، ليرد الرئيس: "قول مبتشتغلش كام ساعة قول بتنام كام ساعة".
وأضاف السيسي، في خلال احتفالية "قادرون باختلاف" اليوم الأحد: "عاوز أقولك إن معرفش أقعد من غير شغل لأنى بحلم وعاوز كل الناس تحلم، ولما تحلم تجرى على حلمها، ولازم ربنا هيساعدها".
وواصل الرئيس مازحا: "اللى بيشتغلوا معانا زهقوا، والدكتور مصطفى مدبولي بيقول ارحمني بقى، لكن هنعمل إيه؟ نفسنا نشوف بلدنا أحسن بلد في الدنيا، ويا رب يسمع منك ونفسنا نعملكم أحسن حاجة في الدنيا".
وسألت الطفلة بسملة، الرئيس السيسي، حضرتك بتعرف تسوق طيارة؟، فمازحها الرئيس انتى غاوية موضوع الطيارة ده فعلا.. هطلب من وزير الدفاع إنك تركبي طيارة ثنائي مع أحد الطيارين، وهنصورك ونطلعك ونورى الناس وهى في الطيارة، وعلق الرئيس: البركة والرحمة موجودين معانا النهارده".
وقالت الطفلة: حضرتك وأنت صغير كان نفسك تطلع إيه"، فرد الرئيس: كان نفسى أطلع طيار، ودخلت الكلية الجوية سنة 70 لكن محصلش نصيب".
وانطلقت قبل قليل فعاليات احتفالية "قادرون باختلاف" لأصحاب الهمم وذوي القدرات الخاصة بحضور الرئيس عبدالفتاح السيسي.
