أجرى البطل علي أحمد، بطل الجمهورية فى ألعاب القوى والحاصل على 49 ميدالية مختلفة، محادثة مع الرئيس عبدالفتاح السيسي، خلال احتفالية قادرون باختلاف، وسأل الرئيس عبدالفتاح السيسي، عن أصعب وأسعد لحظة في حياته.
ورد "السيسي" خلال احتفالية ذوي الهمم ، بحضور الرئيس عبد الفتاح السيسي، اليوم الأحد، على سؤال علي، قائلًا: "أصعب لحظة اللى حسيت فيها إن بلدنا ممكن تروح، ويا علي أحيانا يكون فهمك مش كده يعذبك لو انت بتفهم وتعرف أوى ممكن تتعذب أوي لانك هتشوف حاجات محدش هيعرفها غيرك، أصعب لحظة طب ليه خفت، خفت على ناسي وأهلى وكل الناس اللى موجودة في مصر عددنا كبير وظروفنا صعبة فلو البلد راحت الناس دي هتروح فين؟.
وعن أسعد لحظة قال الرئيس: "لسه مجتش، هو الحلم اللى أنا بحلمه لبلدي برضه، بيكم وبمصر والمصريين والشباب والكبار وقادرون باختلاف اللى بعول بيهم أمام الله وبقسم بيهم أمام الله إنه يساعدنا".
وانطلقت قبل قليل فعاليات احتفالية "قادرون باختلاف" لأصحاب الهمم وذوي القدرات الخاصة بحضور الرئيس عبد الفتاح السيسي.
