انتقد الفنان عمر كمال بعض البرامج الحوارية التي تقدم خلال شهر رمضان الكريم وتستضيف نجوم الفن وتتناول أسرارهم ومشاكلهم الشخصية، موضحا رفضه الظهور في تلك البرنامج، فليس لديه جديد بالإضافة إلى أنه يجد نفسه بيجيب فى سيرة الناس ويخرج عن شعوره وبيطلع فيها خسران.
وكتب عمر كمال، عبر صفحته الرسمية على موقع التواصل الاجتماعي فيس بوك قائلا : لأي برنامج حواري بيطلبني في رمضان، ده حاجة تشرفني وغالبًا بكون بحترم جدًا المقدم بتاع البرنامج وفوق راسي، لكن الحقيقة أني معنديش حاجة جديدة اتكلم فيها.
واضاف كمال ..يبقى مش لازم أظهر في برنامج، أخبط في فلان غصب عني عشان أعمل تريند، أو حد يجيب لي صورة علانة ويخرجني برة شعوري، ونجيب سيرة الناس وبنات الناس.. مش لازم أكون موجود في رمضان بأي حاجة وخلاص.
فيه 11 شهرا في السنة، ممكن أكون موجود فيهم بأي شكل أنا عاوزه، لكن البرامج اللي من النوعية ديه بطلع منها خسران مش كسبان، مع كامل احترام لكل البرامج ديه والقائمين عليها.
