نشر الفنان وائل عبدالعزيز صورة لوالده يظهر فيها بصحبة الفنان الكبير حسن يوسف أيام شبابهما، وكتب تدوينة مطولة عبر صفحته بموقع التواصل الاجتماعي “فيس بوك” ، قال فيها : “علي اليمين النجم الكبير الاستاذ / حسن يوسف ربنا يديله الصحه والعافيه والي علي الشمال الاستاذ / محمد عبد العزيز .. كانوا صحاب ومثلوا مع بعض في الجامعه عديت السنين ومحمد عمل كام دور صغير واتجوز والظروف مكانتش في صالحه مع انه ممثل شاطر” .
وأضاف قائلاً : “لكنه اختار يبعد عن حلمه عشان يعرف يشتغل ويربي ولاده الي بقوا ٣ وكمل دراسته لحد ما وصل للدراسات العليا والدكتوراه في اداره الأعمال واشتغل في فندق من أكبر فنادق مصر واترقي الي ان وصل رئيس للمخاذن والحسابات لهذا الفندق ..” .
واستطرد قائلاً : “قعد طوال حياته يزرع موهبته في عياله وكان بيحب يغني ويمثل ويقف يمثلهم اهم مشاهد عالميه بالغه العربيه والعاميه وفي يوم اكتشف عمليه اختلاس كبيره في الفندق وقف قدامهم كلهم واخدت خطوات قانونيه تجاههم .. لكنه كان لوحده مقدرش عليهم .. اكتائب وساب الشغل ولانه راجل مبيفوتش فرض راح لربنا اكتر وزهد الدنيا بما فيها وكبر وعديت السنين وفضل محمد بنفس الروح الجميله الطيبه راضي بأمر الله ومبسوط في حياته” .
واختتم قائلاً : “الراجل ده ابويا الي بتشرف بيه الي عمره ما كدب او مكانش حقاني الي علمني ان الحق أحق ان يتبع .. كان بيقولي لو اخر يوم في عمرك قول الحق .. ربنا يديك الصحه يا والدي ويخليك ليا” .
