الثلاثاء 30 نوفمبر 2021
رئيس مجلس الإدارة ورئيس التحرير
عبد الرحيم علي
رئيس التحرير التنفيذي
داليا عبد الرحيم
رئيس مجلس الادارة والتحرير
عبد الرحيم علي
رئيس التحرير التنفيذي
داليا عبد الرحيم

فضائيات

الحجار عن مطربي المهرجانات:  مهندس الصوت هو اللي بيغني

علي الحجار
علي الحجار
تابع أحدث الأخبار عبر تطبيق google news

 علق الفنان علي الحجار، على قرار منع نقابة الموسيقيين، مؤدي المهرجانات من الغناء في مصر وذلك عقب قرار النقابة بمنع عدد من مطربي المهرجانات من الغناء.

وقال "الحجار"، طلعت موضة من كام سنة إن فيه ناس بقت مؤدية مش مغنية، وبقت ماشية كده، والناس تقبلت الحكاية مع الوقت، والدنيا بقت بتروح في سكة أقل من اللي كنا بنسمعه زمان.

وأوضح علي الحجار: “السوشيال ميديا دلوقتي محدش يقدر يتحكم فيها، وأى حد من حقه إنه يعمل لنفسه قناة على اليوتيوب وإنستجرام، ويرفع اللي عايزه، ولو احنا قدرنا نخلي لنفسنا سوشيال ميديا لوحدنا زي الصين؛ الموضوع يبقي أفضل، واحنا لما بنسافر أي بلد عربي أو أجنبي، علشان نشتغل هناك؛ لازم جزء من الموسيقيين بتوع البلد ييجوا معاكوا، ففكرة إن الموسيقين هنا في بلدهم مابيشَغلَّهُمش؛ فقرار هاني شاكر إنهم يشتغلوا”.

وأضاف علي الحجار، خلال مداخلة عبر فضائية “النهار”: “كان الراديو والإذاعة ليها لجنة بتنعقد مرتين فى الشهر من أجل أن تقيم الشعر واللحن، وغير المعتمدين مكنوش بيغنوا فى أى مكان فى مصر، ودا كان شئ عظيم مخلينا طول الوقت عندنا ثقافة وتربية وذوق.

وأكمل علي الحجار: "فلاشات المهرجانات بيعملوها؛ علشان تقدر تخلي الصوت الوحش حلو، من خلال برنامج على الكمبيوتر، دلوقتي بقا مهندس الصوت هو اللي بيغني".