أثار نبأ انفصال الفنانة المغربية بسمة بوسيل عن زوجها الفنان تامر حسني جدلا كبيرا في مصر والعالم العربي، حيث أعلنت بوسيل الجمعة الماضية انفصالها عن المطرب المصري وطلبت "من كل من يرسل إليها صورا ومقاطع مصورة لتامر ويروا أنه لا يحترمها سواء في صور أو فيديوهات، أن يتوقفوا عن فعل هذا لأنه لم يعد فارقا معها أي صور بشأنه".
وقد أعلن اليوم الاثنين الفنان تامر حسنى أن الأمور بينه وبين زوجته قد استقرت وهدأت بعد محاولات الأصدقاء للصلح بينهما موجها العديد من رسائل العتاب لزوجته عبر حسابه الرسمى على إنستجرام.
وترصد "البوابة نيوز" أبرز رسائل اللوم والعتاب منها:
الرسالة الأولى قيام زوجته بعدم التفكير وتسليم أذنها لشر السوشيال ميديا
الرسالة الثانية أن ما مر بينهما من خلاف من الممكن أن يكون سبب خير في توعية ناس كتير".
الرساله الثالثة وجه فيها تامر حسنى سؤالا لزوجته وهو:"ليه لما اي حد بيزعل من حد بيطلع يكتب عليه في السوشيال ميدي طب حتى يكلمه الاول ايه علاقة الناس بعلاقة شخصية بين اتنين؟"
اما الرسالة الرابعة فكانت أن "ربنا جعل بين الزوجين مودة ورحمة لذلك كان على زوجته أن تعى وتعلم ان هناك أشخاص في طبيعتهم حب خراب البيوت ومش هنخلص منهم".
والرسالة الخامسة ناشد فيها زوجته بالتركيز مع طاقة الاشخاص الذين قاموا بالدعاء لهم ومساندتهم في ازمتهم قائلا:" ياريتك تركزي مع طاقة الناس اللي دعولنا ودعوا لولادنا".
وكان تامر حسنى قد أعلن اليوم الصلح بينه وبين زوجته وكتب عبر حسابه الرسمى على إنستجرام.
قائلا:"بسمة حببتي للاسف انتي مفكرتيش كويس وسلمتي ودنك لشر السوشيال ميديا عشان كان تعليق كلامهم فارغ نسوكي انك عرفتيني وانا مشهور ودي طبيعة شغلي إلى عرفتيني عليها وحبيبتني بيها، أزاي وصلوكي للزعل والبعد فترة.. المهم انا مش هزعل منك ولا يرضيني زعلك انتي حبيبتي وام ولادي.. انا ضهرك وسندك مهما حصل، بس اللي عايز اقوله لعل نكون سبب خير في توعية ناس كتير".
وتابع:"ليه لما اي حد بيزعل من حد بيطلع يكتب عليه في السوشيال ميدي طب حتى يكلمه الاول ايه علاقة الناس بعلاقة شخصية بين اتنين ممكن تتحل في التليفون أو في زيارة رحيمة ما بينهم وياريتها مشكلة اصلا.. ربنا جعل ما بينا مودة ورحمة عشان كدا للاسف انتي عرفى ان في ناس في طبيعتهم حب خراب البيوت ومش هنخلص منهم بس انتي اللي هتخلصي من فكرة انك تسمعيهم
وأضاف:"ياريتك تركزي مع طاقة الناس اللي دعولنا ودعوا لولادنا وفعلا انا بشكر كل الناس والفنانين اللى سعوا في الخير لينا.. وانا واثق انك دلوقتي زعلانة انك كتبتي كدة.. هو تصرف متهور منك بس ولا يهمك مش عيب ان الإنسان يغلط ويتعلم وانا ياما علمتك ولسة هعلمك كان نفسي الكلام ده يكون بينا لكن انتي اشركتي الجمهور الكريم فكام لازم ارد هنا.. وبينا حب عالي وحياة كريمة وأولادنا وبيتنا أغلي ما فيها ربنا يخلينا ليهم ويخليهم لينا يارب.. متهورة بس بحبك".
