يناشد إبراهيم أبوزيد، كل من وزير العدل ومحافظ الغربية مساعدته فى إعادة حقه بصرف تعويض عن سيارته التى كانت مصدر دخل له بعد أن اشتعلت فيها النيران، إثر تعرضها لحادث مرورى، كما يطالب بعلاجه بعد أن فقد كل ما يملك.
ويقول إبراهيم: «انغلقت فى وجهى كل الأبواب، وانسدت أمامى كل الطرق، ذهبت للجميع وبقالى على هذا الحال ثلاثة أعوام، كنت ماشى فى الطريق بعربية أجرة، بسترزق منها أنا وعيالى، وكنت عايش حياة الحمد لله كويسة، وساتر وقتى، فى طنطا محافظة الغربية، وعندى شقة تمليك، ومعيشهم فى مستوى كويس، لحد فى مرة عملت حادثة، العربية اشتعلت فيها النيران وأنا صرفت كل اللى ورايا واللى قدامى عشان أتعالج، وبعت شقتى، نيابة المرور قالت ليا تعويض ٦٥ ألفًا، ومتصرفش ليا حاجة، ولا عارفه توصل للشخص الذى تسبب فى الحادثة مع إنى عندى كل بياناته، كل اللى محتاجه مسئول يقف جنبى، ويرجعلى حقى، مناشدتى لكل مسئول ينظر لموضوعى بعين من الرحمة والرأفة».