رئيس مجلس الإدارة ورئيس التحرير
عبد الرحيم علي

ننشر عظة البابا تواضروس من كنيسة الشهيد مار مرقس الرسول ويست هنريتا روتشستر في نيويورك

الثلاثاء 18/سبتمبر/2018 - 01:51 م
البوابة نيوز
روبير الفارس
طباعة
ألقى قداسة البابا تواضروس الثاني، بابا الإسكندرية وبطريرك الكرازة المرقسي، العظة من كنيسة الشهيد مار مرقس الرسول ويست هنريتا روتشستر نيويورك، وجاء فيها..
بإسم الآب والابن والروح القدس الإله الواحد آمين. تحل علينا نعمته ورحمته من الآن وإلى الأبد آمين.
أنا سعيد للغاية لمجيئي لكنيستكم وأريد أن أكلمكم عن حاجة مهمة. الله عندما خلق ايدينا خلق في كل يد 5 اصابع وفكرة الخمس أصابع معناها ان المسيح عايز يقولنا ان فى حاجه مهمة لازم تفتكرها على ايدك، ولم يخلق 3 اصابع او 7 ولكن خلقها خمسة ورقم خمسة يعنى القوة ورقم 5 فى أصابع ايدينا يوضح انهم ليسوا مثل بعض ولكن متنوعين وأيضا من الحاجات الجميلة التي نتعلمها فى كنيستنا ان عندنا خمس جواهر فى حياتنا المسيحية وكلمة جوهرة تعني حاجة غالية ولازم أحافظ عليها وأعينها فى مكان أمين دائما افتخر بها وربنا أعطانا 5 جواهر مسئولية كل واحد فينا هو خادم وأب وخادمة وهو مسؤول معلم خمس جواهر تمثل عطايا الله لنا.
الجوهرة الأولى: أيمانى
الجوهرة الثانية: كتابى 
الجوهرة الثالثة: عفاف 
الجوهرة الرابعة: كنيستى 
الجوهرة الخامسة: أبديتى 
+ الجوهرة الأولى: أيمانى
أعطانا ان يكون لنا ايمان ووضعناه فى قانون ونقول بالحقيقة نؤمن ودائما نقوله واحنا واقفين لان الحاجه اللى بنقولها واحنا واقفين بتبقى صلاة والحاجة اللى بنقولها واحنا قاعدين تبفى تعليم ازى ما بنقعد ونسمع القراءات الكنسية فى كل قداس، إيمانى ليا اله بيحبنى علشان كده خلقنى وعندما سقط الإنسان تجسد لأجلى لانه بيحبنى وتجسد وقعد على الأرض زمن منهم أكثر من 3 سنين فى الخدمة العلانية قدام كل الناس وكان بيعلمنا بأمثال ومعجزات علشان بيحبنى واتصلب برده عشان بيحبنى وبعدها فدانى وخلصنى علشان بيحبنى وأعطانى الحياة الجديدة جوهرة غالية وفى مجتمعكم هنا بنقابل ناس ملحدين وناس بعيدة عن الكنيسة وناس ميعرفوش ربنا وناس بتمارس عبادات وثنية، أعرف ان الإيمان المسيحى الذى زرعه الله فى قلبك جوهرة غالية وهذه الجوهرة وصلت فى غلاوتها ان كان ابائنا الشهداء والشهيدات ان لما كان حد يمس طرف الإيمان يقوله خد رقبتى ولن انكر ايمانى والحكاية مش قدديمة دى حصلت فى أيامنا الحالية كلنا فاكرين شهداء ليبيا وقوة إيمانهم اللى العالم كله شافها، ايمانك الغالى تحكمه الايه اللى كلكم بتحبوها "آية (يو 3: 16): لأَنَّهُ هكَذَا أَحَبَّ اللهُ الْعَالَمَ حَتَّى بَذَلَ ابْنَهُ الْوَحِيدَ، لِكَيْ لاَ يَهْلِكَ كُلُّ مَنْ يُؤْمِنُ بِهِ، بَلْ تَكُونُ لَهُ الْحَيَاةُ الأَبَدِيَّةُ.
والجميل اننا ننتمى للكنيسة القبطية الارثوذكسية وهى من أقدم كنائس العالم وليست أقدم فى التاريخ فقط بل اقدم فى الحفاظ على العقيدة والايمان المستقيم وطبعا كل اللى بيدرس النهاردة بيرجع للأباء الأول والأصول أباء الاسكندرية والاباء البطاركة مثل البابا اثناسيوس الرسولى والبابا كيرلس عمود الدين والبابا ديسقورس بطل الايمان اللى عيد تذكار نياحته كان النهاردة واباء كثير جدًا.
علشان كده بندرس الإيمان ونحفظ ونشرح الايمان وأباء يتخصصوا فى شرح الأيمان وتاريخه،أيمانك هو اغلى جوهرة فى حياتك الجوهرة التى تزين التاج، انا مسيحى قبطى أرثوذكسى ومسيحيتى بتعبرعنها بايمانك وبنحاول ندرسه ونفهمه وبتحاول تعيش فى الايمان احكي لكم حكاية هو وهى متجوزين بقالهم 3 اسابيع تيموثاوس ومورا وتيموثاوس كان شماس ويوم جاله ناس كانوا عايزين ياخدوا منه كتب الكنيسة ولما طلبوها منه قال لهم فى حد يسلم أولاده وحد قالهم ده لسه متجوز نروح لمراته مورا وبالفعل قالو لها جوزك تيموثاوس قالتلهم ايوة قالوا لها هاتى الكتب الكنسية وردت نفس الرد " مفيش كتب حد بيسلم ولاده " وبعدها استشهدوا تيموثاوس ومورا لايمانهم القوى، طيب والطفل اللى عمره 12 سنه ولم ينكر الايمان والقديسة رفقه وولادها الخمسة اللى كان تذكار استشهادهم النهاردة فذلت الأستشهاد ولا تنكر الايمان أبدًا الخلاصة ان هذا الايمان فى شخص ربنا يسوع المسيح اللى بنعبر عليه فى قانون الايمان جوهرتنا الأولى ولازم تعرف قصص الإيمان كثيرة وفى قصه حصلت معايا شخصيًا لما كنت راهب فى الدير مسؤول عن استقبال الزوار جت ست غلبانه وعلى رأسها طرحة كده وجت قدام طبق الشمع وسألتنى ممكن اخد شوية رمل طلعت طرحتها واخدت شويه رمل وحطتهم فى الطرحة قالتلى اصل الرزق ضيق عندنا ورشة احذية ومفيش زبائن انا هاخد الرمل واحطه على عتبة الورشة الرمل متشبع بالصلوات بعد شهر جت سالت عليا قالتلهم كان فى راهب طويل فرحت لها قالت لى يا ابونا احنا مش ملاحقين على الرزق ايمانها القوى بحبة الرمل المتشبع بالصلاة والبركة طبعًا لو كتبنا الحكاية دى فى كتاب الناس تحط A big question mark شوف الايمان الذى يصنع المعجزات، أيمانك هو الجوهرة الأولى.
+ الجوهرة الثانية: الكتاب المقدس
"آية (2 تي 3: 16): كُلُّ الْكِتَابِ هُوَ مُوحًى بِهِ مِنَ اللهِ، وَنَافِعٌ لِلتَّعْلِيمِ وَالتَّوْبِيخِ، لِلتَّقْوِيمِ وَالتَّأْدِيبِ الَّذِي فِي الْبِرِّ، " كلى يكون أنسان الله كامل لكل عمل صالح، لم تسأل نفسك يومًا هو ليه ربنا عمل لنا كتاب مقدس ؟ ده الكتاب المقدس اكتب على مدى زمنى اكثر من 1600 سنة وهذا لانه جوهرة "آية (2 تي 3: 17): لِكَيْ يَكُونَ إِنْسَانُ اللهِ كَامِلًا، مُتَأَهِّبًا لِكُلِّ عَمَل صَالِحٍ." فى nationality كده اسمها انسان الله زى لما حد يسألك انت منين ؟ تنتمى الى الله لتنتمى لله لكى يكون انسان الله متأهبًا لكل عمل صالح انجيلك بتستخدمه وتحطه قدامك وتتمتع بعمل كلمة الله فى حياتك ويقول القديس يوحنا ذهبى الفم "عدم معرفة الكتب المقدسة هى علة كل الشرور" واى خطيه سببها انه لا يعرف الانجيل وكلنا بنحب الأيه الجميلة "آية (مت 4: 4): فَأَجَابَ وَقَالَ: «مَكْتُوبٌ: لَيْسَ بِالْخُبْزِ وَحْدَهُ يَحْيَا الإِنْسَانُ، بَلْ بِكُلِّ كَلِمَةٍ تَخْرُجُ مِنْ فَمِ اللهِ». ياترى جوهرة الأنجيل عندك بتستخدمه كويس ياترى انجيلك مفتوح ولا مقفول وأولادك بتربيهم بالانجيل ولا بمعرفتك وللعلم كل كتب علم الاجتماع طالعه من الانجيل وأساسها فكر انجيلى، ومرة من المرات أحيانًاحتى عبارات الكتاب المقدس تستخدم بنوع من الدعابة كان فى مره راهب دكتور وراهب تانى مريض فجايبله الحقن والعيان خايف من الحقنة وعلشان يطمنه فاستخدم ايه من الأنجيل وقال له " (متى 26: 33) وَإِنْ شَكَّ فِيكَ الْجَمِيعُ فَأَنَا لاَ أَشُكُّ.
عايز أقولك انجيلك للحياة يوحنا ذهبى الفم القديس العظيم قال عن الأنجيل " منجم لالىء "كل ما تقرأ تطلع بلؤلؤة زيزحنا ذهبى الفم كان يقرأ رسائل بولس الرسول كل 40 يوم والانبا ابرام صديق الفقراء اسقف الفيوم كان يقرأ العهد الجديد مرة كل 40 يوم القداسة مش بتيجى بالسهل و انجيلك هو الوسيلة التى تزيد هذه القداسة بتحفظ منه وتتكلم به وتستخدمه دى الجوهرة الثانية كتابى المقدس. 
+ الجوهرة الثالثة:عفافى "نقاوة الانسان"
هل عينك نقيك هل أذنك نقية وكل حواسك آية (لو 11: 34): سِرَاجُ الْجَسَدِ هُوَ الْعَيْنُ، فَمَتَى كَانَتْ عَيْنُكَ بَسِيطَةً فَجَسَدُكَ كُلُّهُ يَكُونُ نَيِّرًا، وَمَتَى كَانَتْ شِرِّيرَةً فَجَسَدُكَ يَكُونُ مُظْلِمًا. "العين قائد للجسد وهل حواسك بسيطه وعينيك بسيطه مش اى كلمه تسمعها او حاجه تشوفها او تقولها ودلواقتى فى ناس بتشوف حاجات مدمرة للإنسان تصل لحد الادمان مثل الاباحيات والسحر وأشياء أخرى عير نقية فى حياة الانسان والقديس يوحنا ذهبي الفم قال الوجه الذى تقدس بعلامة الصليب لا يمكن أن ينحني للشيطان، ياترى بتحافظ على نقاوتك فى قصة جميلة من صحارى مصر كان القديس يزوره ناس كثيرة ويسمع حجات كثيرة ولما يرجع قلايته وكأنها بعملية رمزية ينزل الكلام اللى ملوش لازمة اللى دخل ودانه كأنه بيحاول يخرج كل حاجه تجرح نقاوته فى أحيانًا فى واحد عينيه تشوف غلط وفى واحد تانى عينيه تشوف صح وكلنا عارفين الأبن الضال لما ترك بيت ابوه وعاش فى الخطية ولما رجع وأبوه استقبله بفرح وأخذه بالحضن ولكن الأخ الأكبر عينه شافت غلط وحول الفرح لنحزن ونكد عينه شافت غلط.
الخلاصة يااخواتى نقاوتك حياتك ممكن يكون صاحب يكون بيتعب دماغك وأذنك وممكن مكالمات تليفون تتعبك وممكن اماكن تتعبك اكثر واكثر علشان عقلك يكون مشغول بربنا كون امين انجح وتفوق وكون نقى وربنا هيبارك فى كل عمل بتعمله كون نقى " كن أمينًا إلى الموت، فسأعطيك إكليل الحياة " ( رؤ 2: 10 ) جوهرتك الثالثة عفافك ونقاوتك.
+الجوهرة الرابعة: كنيستى 
وهذه الجوهرة الغالية اوى وكلكم موجودين جوه الكنيسة علشان بنحبها لو مفيش كنيسة كونا هنروح فين كنيستك بيتك من عادتنا الجميلة لما قبطىي ينقل من مكان لمكان او سؤال يسأله فى كنيسة قريبة ؟؟
تذكر وأحنا صغيرين أسرتى اتنقلت من سوهاج لدمنهور ووالدى سأل فين الكنيسة وبعدين فين المدرسة كنيستى فيها ثلاثة صفات بنحبهم وحافظنهم بنقول كنيستى هى " بيتى، أمى، سر فرح حياتى "مفيش اجمل من كده جوهرة بتلمع وتتلألأ وهى بيتى لأننا كلنا عايشين بداخلها بروح الأسرة الواحدة زهى امى علشان اتولدت فيها بالمعمودية وأسرتى أتولدت فيها بسر الزيجة واسرتى اتولدت فى الكنيسة وبقيت امى وأغلى واحدة فى العالم ولو عجزت اشيلها على راسى وتفضل اجمل وحده فى الحياة كلها وكعروس مهيئة لعريسها وتفضل هى أجمل وحدة فى الحياة كلها وتفضل صبيه وفى جمالها تاريخها الكبير يعطيها جمال وهى سر فرح حياتى وتيجى تفرح علشان تفرح وتصلى علشان تفرح وتيجى تحضر الأنشطة المتنوعة علشان تفرح وتيجى تقابل حبايبك علشان تفرح وتيجى تاخذ مشورة من ابونا وتبقى فرحان وتقعد وتصلى وتفرح وتتعلم فيها العظات والمؤتمرات عشان تفرح "كنيستى هى بيتى هى امى هى سر فرح حياتى ".
+ الجوهرة الخامسة: الكنيسة ابدينتى 
الاربع الجواهر اللى فاتوا على الأرض " ايمانى وكتابى وعفافى وكنيستى "ولكن الجوهرة الخامسة فى السماء وهى أبديتى،آية (رو 14: 8): لأَنَّنَا إِنْ عِشْنَا فَلِلرَّبِّ نَعِيشُ، وَإِنْ مُتْنَا فَلِلرَّبِّ نَمُوتُ. فَإِنْ عِشْنَا وَإِنْ مُتْنَا فَلِلرَّبِّ نَحْنُ. " وكمان الكتاب بيقولنا، آية (رو 8: 35): مَنْ سَيَفْصِلُنَا عَنْ مَحَبَّةِ الْمَسِيحِ؟ أَشِدَّةٌ أَمْ ضِيْقٌ أَمِ اضْطِهَادٌ أَمْ جُوعٌ أَمْ عُرْيٌ أَمْ خَطَرٌ أَمْ سَيْفٌ؟ "اجمل شيء انك تفكر دائمًا لمكانك فى السماء تكون مشتاق حتى بولس الرسول قالها "آية (في 1: 23): لِيَ اشْتِهَاءٌ أَنْ أَنْطَلِقَ وَأَكُونَ مَعَ الْمَسِيحِ، ذَاكَ أَفْضَلُ جِدًّا. خد بالك ابديتى اغلى شيء اوعى تضيع ابديتك او تنساها لك مكان فى السماء والسيد المسيح قال "أنا أمضي لأعد لكم مكان فى الأبدية " واخر اية فى الكتاب المقدس بتقول "آمِينَ. تَعَالَ أَيُّهَا الرَّبُّ يَسُوعُ."ليه بنصلى وأحنا واقفين وناظرين للشرق لأن من الشرق سيأتى المسيح والشرق موضع النور أبديتى نصيبى فى السماء ماشى على الارض برجليك بتشتغل بتدرس فى هجرة فى سفر كل هذا رائع وربنا يباركه والمهم ان تكون ابديتك حاضرة قدامك
نصيبك فى السماء أغلى وضع أمامك الخمس جواهر " ايمانى وكتابى وعفافى وكنيستى على الأرض وأخيرًا نصيبك السماوى أبديتك "من الحاجات الحلوة الخضراء والسماء مكشوفة باستمرار ونصيبك السماوى على حسب حياتك المسيح يبارك حياتكم وتحافظوا على الخمس جواهر دى فينا ونعلم أولادنا وبناتنا بهم ونعيش فيهم باستمرار والموضوع كبير لكن حبيت احطه قدامكم بشكل مبسط ربنا يكون معكم ويبارك خدمتكم.
"
برأيك.. ما هو أفضل فيلم في موسم العيد؟

برأيك.. ما هو أفضل فيلم في موسم العيد؟