خالد السيد طبيب، أرهقته النظرة غير العادلة لفكرة بعض المهن فى مصر، أراد أن يعطى نموذجا للجميع أنه لا فرق بين عامل نظافة وطبيب ومهندس، كلنا أبناء شعب واحد، وكل له عمله الضرورى والمهم، فدشن مبادرة «أنا عامل نظافة مش زبال» وتهدف إلى تغيير النظرة لعامل النظافة، ودعوة الناس إلى إلغاء كلمة زبال التى اشتكى منها عمال النظافة بعد حديثه مع الكثير منهم، وكانت مبادرته تهدف بالأساس إلى عدم التعامل مع الشخص على أساس شكله، فوجد أن الإعلام تناول الموضوع بشكل خاطئ وأن الهدف من دعوته بارتداء بذلة عامل نظافة حث الناس على النظافة.
يقول خالد: «فكرتى أن الكل واحد وأن الشكل مش مقياس إنك تحكم على شغل الناس، عشان شكلى حلو فأنا أكيد ظابط أو دكتور، وأن الشكل أساس العلاقات وده اللى كنت عايز أنفيه، ولكن للأسف وجدت بمجرد ما نزلت الشارع الناس بتوقفنى أنت مش زبال، وأما شافنى عامل نظافة قالى يا بنى أنت هتعمل إيه؟ معقول إنت بتشتغل زيى بتنضف أكيد أنت بتهزر أو بتمثلوا بدأت أقنعهم أنى عامل نظافة وأن المهنة مش عيب وأن الناس مش بالشكل البعض رحب بالفكرة ولكنى تفاجأت إن الناس فكرانى الكاميرا الخفية، ولقيت بعض كبار السن بيقولوا لى يعنى أنت اللى جى تصلحها اتكل على الله مش هتتصلح وهتفضل كده متتعبش نفسك، ولقيت شباب كتير بيطلب منى يشارك فى الفكرة وطلبوا منى هدوم عامل نظافة وبدأ يوعى الناس بالفكرة».
