وصل الرئيس عبد الفتاح السيسي، ستاد القاهرة الدولي، لبدء احتفالية «كتف في كتف»، التي تأتي نتاجًا لإيمان الرئيس السيسي بقدرات مؤسسات العمل الأهلي كشريك أساسي في عملية التنمية، الأمر الذي بات جليًا بعد دمج تلك الكيانات والمؤسسات تحت مظلة التحالف الوطني للعمل الأهلي التنموي قبل عام من الآن وخلال تلك الفترة الوجيزة استطاع تقديم الكثير من المبادرات والقوافل وصولًا لأكبر مبادرة في تاريخ العمل الأهلي في التاريخ «كتف في كتف».
واستعرضت قناة «إكسترا نيوز»، كلمة الرئيس السيسي فور وصوله ستاد القاهرة إذ قال «أنا مش عارف أشكركم كلكم أزاي، شايف قدام مني شباب وشابات وأعمار مختلفة، حتى لسه كان فيه متطوع صغير بيقولي أحنا موجودين، وعايز أقولكم حاجة مهمة، المصريين كلهم باختلاف طبقاتهم شايفهم هنا، شايف قدام مني شريحة من كل المجتمع المصري من رجال الأعمال والقطاع الخاص والدولة، والدنيا كلها بتقوم بدور جميل جدا في وقت صعب».
وأضاف السيسي: « النهاردة كان لازم أجي أشكر وأقدر لكم كل اللي بتعملوه وهتعملوه، أن أحنا نساهم في تخفيف الأزمة الكبيرة اللي بتمر بيها الدنيا ومصر من غلاء الأسعار، ونكون موجودين ونلف على البيوت ونخفف على الناس الأسعار من خلال الـ5 مليون كارتونة، بالإضافة إلى أن فيه ناس كتير بتعمل كده، وأنا على علم بحاجات كتير بتتعمل الهدف منها أن الناس في مصر في الأيام الكريمة دي تعيش حياة كريمة».
وتابع رئيس الجمهورية: «أشكركم، وتقديري للجميع وكلامي للجميع ودعواتي ليكن بالخير والسلام، من الحاجات الجميلة جدا إدخال السرور والبهجة على الناس وأتصور باللي إحنا بنعمله ده وبوجودكم بصرف النظر بتقدم إيه بس كفاية إنك بتخبط على بيته وبتقوله أنا شايفك وحاسس بيك.. فأنا بشكركم جميها وبقولكم كل سسنة وأنتم طيبين».
