تحدث الفنان كريم فهمي عن مسلسله المنتظر عرض حلقته الأخيرة اليوم الخميس، "أزمة منتصف العمر".
وقال كريم عبر حسابه على تطبيق "انستجرام": "انهاردة اخر حلقة من مسلسل أزمة منتصف العمر ، رحلة طويلة مع كريم العدل سواء كتابة أو تحضير للشخصية اللي بشكره علي كل حاجة، شكرا لاحمد عادل علي القصة، رحلة طويلة مع النجوم الأبطال اللي بشكرهم واحد واحد بجد بقولهم اني بحبهم جدا وكل واحد حب شخصيته في المسلسل وصدقها ، شكرا للانتاج اللي ادانا الحريه للشغل الاستاذ صادق الصباح و صديقي وأخويا انور صادق الصباح و طبعا طبعا شكرا شاهد المنصه الكبيره".
وأضاف كريم: "شكرا لكل المشاهدين اللي وصلوا المسلسل لنجاح كبير اوي اوي وشكرا علي اللي انتقد المسلسل بكل احترام ادب ، مسلسل أزمة منتصف العمر تجربه بحبها و مهمه بالنسبالي صفحته هتنتهي النهارده و جاري البحث عن تقديم الجديد و المختلف …. شكرا لأهم عنصر في الصناعه شكرا للجمهور ( حلقة النهارده الاخيره اهداء لاستاذ كبير هتعرفوه قبل الحلقه بساعه ) ".
المسلسل من بطولة ريهام عبد الغفور «فيروز» ورنا رئيس «مريم»، وكريم فهمي «عمر»، رشدي الشامي «عزت»، ومن إخراج كريم العدل.
