حرص الفنان محمد هنيدي، على توجيه النصيحة للطلاب خريجي "الثانوية العامة"، وذلك عقب صدور النتائج مساء أمس، والتي أصبحت حديث الشارع المصري.
وكتب تدوينة عبر حسابه الشخصي على موقع التواصل الاجتماعي “فيس بوك “ قال فيها:"نتكلم جد .. ماتخليش حد يحطلك مقياس للنجاح في حياتك .. النجاح ممكن يكون بمجموع كبير في كلية وممكن تعمله من غير المجموع ده برده".
وأضاف:"النجاح مش بالفلوس .. ولا بصور إنستجرام اللي ظاهر فيها انك سعيد وبتصيف كل اسبوع في مكان شكل .. ولا انك عندك فولورز او قناة يوتيوب كبيرة .. النجاح ملهوش مقياس لكل الناس .. انت ممكن تكون شغال شغلة بسيطة بس سعيد وراضي وناجح فيها".
وتابع:" فكرة ان ناس حصرت النجاح في اشكال معينة وانك تقتنع بإن ده هو النجاح .. ده اللي هيخيلك عمرك ما هتبقى سعيد..النجاح هو انك تحقق اللي انت عايزه حسب قدراتك وعقلك ودماغك .. مش انك تحقق اللي الناس عايزاه وشايفاه نجاح".
واستكمل:"النجاح انك توصل لسعادة ورضا سواء انت بقى ملياردير او اللي جاي على قد اللي رايح
اوعى تحصر فكرة النجاح والسعادة في الفلوس أو في الشهرة ولايكات فيسبوك وانستجرام ومشاهدات يوتيوب..لإنك كدة عمرك ما هتبقى سعيد".
