والصبح يطلع عاشق رموش الصبية
تنده عليه عيونها يجيلها من الفجرية
يجر ديل جلبابه الأبيض
ويرش عطره في مزهرية
صنعها تواً من الروح هدية
يمد إيده في قلبه يجيب حروف
يشبكها.. يرتبها.. يطبقها.. ويفردها
في كفه تطلع بحبك أحلى عيدية
يطبعها ذكرى على الخدود المرمرية
وقف الزمان على الصورة من الدهشة
كل سنين المرار دابت كده في لحظة
كل مشاوير الحياة اتجمعت لهفة
من الشمس خدت المداد
ومن خطاها المدد
وكتبت تلت كلمات.. تلاتة بالعدد
يا بنتي عيدك سعيد.