أكد الفنان تامر حسني، أن فيروس كورونا وباء عالمي وأصاب الكثير من البلدان، منتقدًا تعامل البعض مع المرض بسخرية.
وقال "حسني" على صفحته بموقع التواصل الاجتماعي "فيس بوك": "أخدنا إجازات عشان نحافظ على بعض ونُحصر المرض وما ينتشرش وسطنا مش فاهم إزاي بعض الناس واخدين الموضوع هزار وإجازة وفسح وزحمة رهيبة عادي في الأماكن العامة ومخرجين ولادهم رجاء كل الناس تأمن نفسها من دلوقتي، ويشتروا لوازم المنزل من دلوقتي والمقتدر يا ريت يؤمن غير المقتدر، الظروف الجايه أصعب، والدولة لازم تعمل حظر تجول دا لازم لازم".
وتابع: "للي مش واخدين بالهم يا جماعة، دا وباء عالمي مش وقفة العيد، وحرصنا دا هيخلينا نخلص منه إن شاء الله بدري جدًا.. بلاش خروج أرجوكم إلا لو هتشتروا مخزون للبيت، وتكونوا واخدين كامل الحذر في الوقاية من الاحتكاك بكل شيء، ورجاء متنسوش غير القادرين، ربنا يحفظكم ويحفظنا جميعًا".
