خرجت مى أبو ربيع، طليقة الممثل وائل عبد العزيز شقيق الفنانة ياسمين عبد العزيز، عن صمتها، وردت على ما نشره الفنان أحمد العوضي بشأن تكفل ياسمين عبدالعزيز بمصاريف نجل شقيقها.
وقالت مي ربيع عبر حسابها الشخصي بشبكة التواصل الاجتماعي "فيس بوك": "أنا طليقة وائل عبد العزيز أخو ياسمين عبد العزيز.. أولا وائل مش بيصرف على ابنه من يوم ما اتولد وأنا انفصلت عنه وابني عنده 5 شهور ولحد دلوقتي ولا بيصرف عليه ولا حد من أهله بيصرف على ابني غيري".
وتابعت: "ابني عنده دلوقتي 11 سنة، مؤخرًا بس من 3 سنين ياسمين قالتلي أنا متكفلة بمصاريف الدراسة دفعت سنتين ومش المصاريف كاملة كمان، وبعد كده قالتلي أنا ظروفي ماتسمحش ادفع مصاريف تاني.. قلتلها انتي اللي عرضتي تدفعي قالتلي ورجعت في كلامي في مشكلة! ده الموضوع باختصار.. وياريت محدش يجيب سيرة ابني لو سمحتوا.. وحقي وحق ابني حاخده بالقانون".
