أعلن فريق الكاروز المسرحى لكنيسة مارمرقس بالجيزة فوزه في مهرجان المسرح القبطى الذى تقيمه مطرانية شبرا الخيمة تحت رعاية نيافة الأنبا مرقس مطران شبرا الخيمة وتوابعها، حيث حصل الفريق عن عرض "٤٨٩" على: المركز الأول كأفضل عرض مسرحى في المهرجان من بين ٩٩ عرض مشارك، والمركز الثاني جائزة أفضل أداء جماعى لفريق شارك في المهرجان، والمركز الثالث أفضل ممثل أول لباڤلى القمص يوئيل من بين ١٥٠٠ ممثل، أفضل ممثلة ثانية لسارة عصام من بين ١٥٠٠ ممثل.
وساهم في نجاح العمل الفني كل من رضا على، وأعضاء لجنة التحكيم في المهرجان، المخرج/ نزيه المصرى، المخرج/ بيتر عادل، المخرج/ جمال المصرى، الفنان/ ممدوح طلعت.
من جانبه قال المخرج رضا ناجي: "عارفين أنا أكتر واحد فرحان وسعيد إن ولادى وبناتى أبناء فريق الكاروز حققوا الإنجاز ده أفضل مسرحية، أفضل أداء جماعى، أفضل ممثل أول بافلى القمص يوئيل، أفضل ممثلة ثانية سارة عصام في مهرجان شبرا الخيمة للمسرح من أول مشاركة لفريق الكاروز في المهرجان ده أنا حاسس إن الحلم اللى فضلت أحلم بيه اكتر من أربعين سنة إن كنيستنا يكون فيها فريق مسرح مستقل أخيرا مش بس بيتحقق ﻷ ده كمان بيحقق جوايز وبيشرف كنيسته أحلى كنيسة في الدنيا كنيسة مارمرقس الجيزة".
وأضاف "اسمحولى أهدى النجاح ده لشريكى في الحلم الشخص اللى حط إيده في إيدى وصدق موهبتنا وأنشأنا الفريق ده من تسع سنين سنة 2010 وهو قدس أبونا القمص يوئيل مخلف راعى فريقنا اللى هيكون مشرفنا في اجتماعنا الشهرى الجمعة اللى جاية الساعة ثلاثة ونص واللى هنحتفل فيه بنجاحنا ده مع أخبار كتيرة حلوة".
وقال القمص يوئيل يعقوب كاهن كنيسة مارمرقس الرسول بالجيزة "ألف مبروك لفريق الكاروز المسرحى لكنيسة مارمرقس بالجيزة فوزه في مهرجان المسرح القبطى الذى تقيمه مطرانية شبرا الخيمة"، حيث حصل الفريق على المراكز الآتية:
١- أفضل عرض مسرحى من بين ٩٩ عرضا.
٢- أفضل أداء جماعى.
٣- أفضل ممثل أول لبافلى القمص يوئيل.
٤- أفضل ممثلة ثانية لسارة عصام.
ألف مليون مبروك، تعيشوا وتفرحوا شعب مارمرقس.
