حرص الرئيس عبدالفتاح السيسي، على لقاء السيدة المصرية، سهام نصار، المقيمة بمدينة نيويورك والمكرمة سابقا في مصر، بعد فوزها بالأم المثالية، والتي طلبت لقاء الرئيس، لتقديم الشكر على جهود الدولة في مكافحة فيروس سي، التي عانت منه طويلا في السابق.
وقالت السيدة سهام خلال لقائها مع الرئيس السيسى: أنا مش مصدقة نفسى.. وكانت أمنيتى إنى أشوفك قبل ما أموت".
وقالت: "الجالية المصرية هنا قامت بمجهود جبار والشعب المصرى بيحبك وخليك زى ما أنت امشى ولا تنظر خلفك وإحنا كلنا معاك".
وتابعت: أنا مش عايزة أى حاجة وأنا هنا مع ولادى وجيت هنا علشان أتعالج علشان مكنش فيه علاج فى مصر من فيروس سى لما جالى وأنا فى مصر.
وتابعت: لما وصلت أمريكا اكتشفت إنى مصابة بسرطان الكبد.. وأنا يكفينى إنى شفت حضرتك وأنا كده خفيت وسعيدة جدا وأنت تستاهل إن ربنا يبارك لك والنَّاس كلها بتدعيلك وتحبك".
وقدمت السيدة سهام الشكر للرئيس على حملة فيروس سى لعلاج المصريين المصابين وتقديم العلاج لهم، قائلة: "لو هذه الحملة كانت موجودة عندما أصبت بفيروس سى مكنتش جيت أمريكا أتعالج"، مقدمة الشكر للرئيس السيسى على مساعدته بتوفير العلاج للملايين المصابين بفيروس سى".
