رئيس مجلس الإدارة ورئيس التحرير
عبد الرحيم علي
رئيس التحرير التنفيذي
داليا عبد الرحيم

فيديو.. وزير التعليم يفجر مفاجآت بشأن سقوط سيستم امتحان أولى ثانوي

الأحد 24/مارس/2019 - 11:55 م
وزير التربية والتعليم
وزير التربية والتعليم طارق شوقي
علاء السعودي
طباعة
قال وزير التربية والتعليم طارق شوقي، إنه لا داعي للاستياء والتوتر من سقوط السيستم في امتحانات الصف الأول الثانوي اليوم، مؤكدا أن عدد الراغبين في مطالعة الامتحان وصل صباح اليوم 4.7 مليون شخص من أماكن داخل مصر وخارجها رغم أن عدد الطلاب المقيدين في الصف الأول الثانوي لا يتجاوز 650 ألف طالب.
وأضاف "شوقي" في مداخلة هاتفية لفضائية "الرافدين+"، متحدثًا لأولياء الأمور: "إحنا قلنا هنعمل امتحان تدريبي في يناير، وعملناه على الورق، وكان فيه مشاكل بشأن التسريب، وقلنا هنعمل امتحان تاني في 24 مارس، وقلنا ساعتها هنختبر النظام الإلكتروني اللي الدولة بتعده بقالها سنة، لاختبار أمرين بالتوازي نجرب الأسئلة الجديدة والأولاد يشوفوها، ونشوف المكنة الجديدة ولو مكنتش شغالة فين الأعطال، هدف التجربة نلاقي المشاكل مش يبقى فيه مشاكل".
وتابع: "الغريب هما عارفين كويس إن مفيش نمر على الامتحان ولا له علاقة بالنجاح والسقوط، ونحن نفعل كل هذا عشان لما يجي الامتحان اللي فيه نجاح وسقوط يبقى كله شغال، لو مش مطمنين بنسبة 100% مش هنجرب النظام الجديد".
وواصل: "عايزين نتفادى الغش والتسريب، لازم نجرب النظام الجديد، إحنا قلنا حتى يوم الخميس الماضي هنجرب ونشوف الأعطال والطالب عنده أكثر من فرصة ولو حصل تعثر هنعرف إن فيه مشكلة، وفي الحالتين الامتحان مش عليه نمر".
وأكد حديثه: "اللي حصل الصبح أول درس مستفاد من أول 12 بالليل صباح الأحد كان فيه 3 ملايين واحد بيحاولوا يدخلوا على الامتحان رغم أن عدد طلاب سنة أول 650 ألف طالب، والساعة 9 الصبح كان 4.7 مليون، هذا العدد خنق السريفر، وكان جاي من بره مصر وجوا مصر".
"
من تتوقع أن يتوج بلقب الدوري في الموسم الحالي؟

من تتوقع أن يتوج بلقب الدوري في الموسم الحالي؟