بمرور الوقت عدي
حاجات كتير اتغيرت
غريب ف مكانه عدي
حواليه الحواري اتحورت
مصالح كتير اتعطلت
ومصالح جديدة اتفتحت
وناس تسلك نفسها
وناس نفوسها اتكسرت
بمرور الوقت شفنا
كل حاجه اتأثرت
والصعبه منها اتفصلت
واتغيرت كتير ملامحه
لما شفته قلبي اللي قابله
اول ما شفته
ع طول حضنته
وقعدت احكي قد ايه
عن عنيه وحضن كفه
واني احترت كتير فوصفه
سبت قلبي فحضن قلبه
وكملت مشي فسكتي
خليته جنبي ف خيالي
يفضل يأنس وحدتي
مش عيب يا قلبي اتوهمه
لازم أغير فكرتي
واني ابتدي أكون جديد
انسي حبه ويا حلمه
واكون حجر حتة حديد
نفسي تبطل تنصفه
يا قلبي ليه صوتك عنيد
هو اللي كان واخد قراره
عاوز يسيب يبعد بعيد
حل الوجع يا قلبي استفيد
متقولش سابني لما سبته
متحسسنيش اني اللي بعته
واني اللي دايما بوجعه
وكسر خاطري ورده ليا
يا قلبي دا احنا اترجناه
يعني ذل فيك وفيا
إحنا فعلا حبناه
بس القضية
شوقنا دم
وشوقه ميه