ناشدت والدة الطالبين يوسف خالد وبلال خالد المصححين، أن يرفقوا بحال طلاب الثانوية العامة وأسرهم، قائلة: «نفسى المصححين يتقوا الله فينا، أنا معايا 2 تؤام واحد أدبى وواحد علمى كنت بدفع 4 آلاف جنيه كل شهر دروس خصوصية، واستكملت "الدواء مش بنجيبوا لنفسنا علشان ندى ولادنا الجنيه عيالنا تعبانة طوال السنة واحنا منهارين".
وأضافت: "عايزة وزير التربية والتعليم يشد شوية على المصححين كل مصحح يحط نفسه مكان ولى الأمر".
وقال والد الطالب عبدالرحمن: متعود أكون مع ابنى فى كل الامتحان من قدام اللجنة علشان اطمئنه، والامتحانات قبل كده كانت متوسطة المستوى لكن امتحان الإنجليزي النهارده جاء صعب جدا.
وتابع "كنت بدفع 1500 جنيه كل شهر دروس وبحلم أشوف ابنى فى كلية صيدلية".
وقالت والدة الطالب أحمد: "خايفة جدا على ابنى خايفة جدًا من الإنجليزي مع أن سنة كاملة استنزاف كان بياخد دروس بـ3 آلاف جنيه فى الشهر كل مادة كان بياخد عند 2 مدرسين".
