احتفل العديد من الناس بيوم شم النسيم وسط المدينة والحدائق، وعم بدر احتفل وسط الناس من غير أهله، فقال: «بس أنا مبسوط لأن الناس دي أهلي».
عم «بدر» البالغ من العمر الـ ٧٢عامًا، يعمل عامل نظافة بعد ما خرج إلي المعاش، من الساعة الـ٧صباحا وينتهي عمله الساعة ٥ مساء، ولكنه ما زال يناضل بما تبقى من صحته لتوفير قوت أبنائه، «عم بدر» يحكي: «كل يوم بسافر من القليوبية إلي القاهرة علشان ألقط لقمة عيشي وربنا بيرزقني برزق أولادي»، ويقول: «باخد فى اليومية من ٢٥ إلي ٣٠ جنيها، وأنا الحمد لله راضي ومبسوط، هعمل أيه يا بنتي دا رزق أولادي وأحفادي، وأنا طالع علي المعاش، واللي بيطلع من شغلتي جنب المعاش أهو نواية تسند الزير، وعندي سبع أولاد، منهم ٣ متجوزين والباقي لسه، ومنهم ٢ فى مرحلة التعليم».
