دخل المطرب الشعبي شعبان عبدالرحيم عالم الفيس بوك، ودشن حسابا جديدا له يحمل اسمه وقال شعبان في تصريحات لـ "البوابة" نيوز "انا عملت الفيس بوك علشان بيخليني اتعرف على ناس جديدة وكمان ناس اعرفها من زمان شفتهم عليه وبقضي حاليا أغلبية وقتي مع الفيس".
وأوضح شعبان قائلا " انا عارف أنه بيشيل 5 آلاف صديق فقط انا بقالي أيام واقتربت من العدد المطلوب علشان انا اصدقائي واحبابي كتير وخمس آلاف مش كفاية، ويا ريت حد يقول لمدير الفيس أنه يزود عدد الأصدقاء علشان الناس تبقي مبسوطة ".
وعن التعامل مع الفيس قال "شعبولا" " انا طول اليوم بشتغل على الفيس وكل شويه بحط صوره ليا والناس كلها بتكتب تعليقات وبيعملوا لايك كمان، وبخلي أولادي أو أحد احفادي يرد على التعليقات، وكمان انا معجب جدا بموضوع الماسنجر اللي على الفيس علشان بكلم الناس والمعجبين منه ببلاش لأنه بيوفر فاتورة الموبايل، وكمان بحيي الراجل اللي عمل الوتساب لأنه جميل وبيسجل المكالمة وببلاش يعني موفر جدا برضه".
