١ – متربطش فرحتك بالناس.
٢- مفيش حاجة مالهاش لزمة، حتى الناس الزبالة فى حياتك، بتعرفك قيمة الناس النضيفة.
٣- ربنا لما بيقفل باب، بيفتح غيره، يمكن ما بتشفهوش عشان بتبقى مشغول بالعياط على اللى اتقفل.
٤ – امسك فى تلاتة: حد بيسأل عليك من غير مصلحة، وحد بيقف جنبك من غير ما تطلب، وحد بتروحله مضايق ترجع مبسوط.
٥ – حاول تكتر من لحظاتك الحلوة، عشان دى الحاجة الوحيدة اللى بتعيشها مرتين، مرة وقتها، ومرة لما بتفتكرها.
٦ – عشان تحب الناس لازم تقرب لهم، وعشان تقرب لهم لازم تحبهم، وعقبال ما تحبهم حتكون كرهت نفسك.
٧ – أحسن حاجة فى المشاكل والأزمات إنها بتعرفك مين وقف ضدك، ومين وقف ضدك أوى.
٨- فيه ناس علاقتك انتهت بيهم فى الحقيقة، امسحهم من على الفيس بوك وماتخليمهش يعكننوا عليك بقية حياتك.
٩ – لمّ الزعل أول باول عشان ما يتكوّمش.
١٠ - اتقى شر الطيب لما يقفش، والأخ لما يفتن، والواطى لما ينضف، والصاحب لما يفضح، والبنت لما تخاصم.
١١ – لو هتعمل جميل واحد فى نفسك، ماتتعلقش بحد مش ليك من الأول، عشان هتقرب تكمل اللى ناقصك فهترجع ناقص أكتر.
١٢ – مش لازم تموت عشان الناس تحس بخسارتك، كفاية انهم يشوفوك مبسوط مع غيرهم.
١٣ – كل حاجة ضايعة مش حتلاقيها غير وانت بتدور على حاجة تانية ضايعة منك.. وهى دى الحياة باختصار.
١٤ – كل يوم جديد فى حياتك مش هيغير حاجة فيك، بس انت قادر تعمل ميت حاجة تغير بيهم اليوم.
١٥ – خد بالك من نفسك بنفسك، عشان محدش فاضيلك. بترجعش، سمعت عن النسكافيه من غير كافيين؟!
١٦- ما تتعشمش وأقلم نفسك إن محدش هيسألك مالك غير لما يكون تعبك خلص، وماحدش هيحس بزعلك غير وانت في أعماق الاكتئاب، ومحدش هيقولك انت كويس غير لما تموت.
١٧- هي هي نفس البلونة اللي فرقعت، بس واحد قعد يلعن الظروف، والتاني عمل منها زوقزيقة.
١٨- مفيش حد فينا كويس، احنا سيئين بس بدرجات.
١٩- الحقيقة اللي هتكتشفها مع الوقت، إن زعلك علي ناس مشيوا من حياتك، كان أهون بكتير، من زعلك لو كانوا لسة موجودين فيها لحد دلوقتى.
٢- مفيش حاجة مالهاش لزمة، حتى الناس الزبالة فى حياتك، بتعرفك قيمة الناس النضيفة.
٣- ربنا لما بيقفل باب، بيفتح غيره، يمكن ما بتشفهوش عشان بتبقى مشغول بالعياط على اللى اتقفل.
٤ – امسك فى تلاتة: حد بيسأل عليك من غير مصلحة، وحد بيقف جنبك من غير ما تطلب، وحد بتروحله مضايق ترجع مبسوط.
٥ – حاول تكتر من لحظاتك الحلوة، عشان دى الحاجة الوحيدة اللى بتعيشها مرتين، مرة وقتها، ومرة لما بتفتكرها.
٦ – عشان تحب الناس لازم تقرب لهم، وعشان تقرب لهم لازم تحبهم، وعقبال ما تحبهم حتكون كرهت نفسك.
٧ – أحسن حاجة فى المشاكل والأزمات إنها بتعرفك مين وقف ضدك، ومين وقف ضدك أوى.
٨- فيه ناس علاقتك انتهت بيهم فى الحقيقة، امسحهم من على الفيس بوك وماتخليمهش يعكننوا عليك بقية حياتك.
٩ – لمّ الزعل أول باول عشان ما يتكوّمش.
١٠ - اتقى شر الطيب لما يقفش، والأخ لما يفتن، والواطى لما ينضف، والصاحب لما يفضح، والبنت لما تخاصم.
١١ – لو هتعمل جميل واحد فى نفسك، ماتتعلقش بحد مش ليك من الأول، عشان هتقرب تكمل اللى ناقصك فهترجع ناقص أكتر.
١٢ – مش لازم تموت عشان الناس تحس بخسارتك، كفاية انهم يشوفوك مبسوط مع غيرهم.
١٣ – كل حاجة ضايعة مش حتلاقيها غير وانت بتدور على حاجة تانية ضايعة منك.. وهى دى الحياة باختصار.
١٤ – كل يوم جديد فى حياتك مش هيغير حاجة فيك، بس انت قادر تعمل ميت حاجة تغير بيهم اليوم.
١٥ – خد بالك من نفسك بنفسك، عشان محدش فاضيلك. بترجعش، سمعت عن النسكافيه من غير كافيين؟!
١٦- ما تتعشمش وأقلم نفسك إن محدش هيسألك مالك غير لما يكون تعبك خلص، وماحدش هيحس بزعلك غير وانت في أعماق الاكتئاب، ومحدش هيقولك انت كويس غير لما تموت.
١٧- هي هي نفس البلونة اللي فرقعت، بس واحد قعد يلعن الظروف، والتاني عمل منها زوقزيقة.
١٨- مفيش حد فينا كويس، احنا سيئين بس بدرجات.
١٩- الحقيقة اللي هتكتشفها مع الوقت، إن زعلك علي ناس مشيوا من حياتك، كان أهون بكتير، من زعلك لو كانوا لسة موجودين فيها لحد دلوقتى.
