وجه الرئيس عبد الفتاح السيسي، عدة رسائل مهمة خلال مشاركته أبناء الشهداء والمصابين وذوى الهمم الاحتفالَ بعيد الفطر المبارك، في مركز المنارة الدولي بالتجمع الخامس، أبرزها خلال تكريم أبطال مسلسلي "الاختيار 3" و"العائدون".
وقال الرئيس السيسي لأبطال مسلسل الاختيار: “بحب أشكركم بمناسبة العيد، واللي انتوا عملتوه كان جزء كبير منه لصالح الأبطال والشهداء، عشان اللحظات دي تعيش”.
وتابع الرئيس السيسي: إحنا قولنا إن التاريخ منسيبهوش لحد، والله والله والله إحنا كنا حريصين على أن لا يسقط أحد ولا يحصل تصادم واللي انتوا عملتوه ده حصل حقيقي".
وأكد السيسي: “احنا لم نعتدي ولم نطغى على أحد، وكل كلمة اتقالت في مسلسل الاختيار عبارة عن واقع يتم نقله للناس وللأطفال وللأجيال القادمة عشان أبناء الشهداء يطلعوا يقولوا إحنا أبناء الأبطال دول، والعمل الدرامي بألف كتاب وبألف ساعة حوار”.
وأضاف: انتوا متعرفوش اللي انتوا عملتوه ده ايه، حتى البيان اللي كتبناه كنا حريصين لأخر لحظة إنه ميحصلش صدام ولم نذكر كلمة عزل رئيس أو جماعة إرهابية".
وقال الرئيس عبد الفتاح السيسي: “ربنا يكفينا أهل الشر، وخلوا بالكم يا مصريين من البلد دي، لأن هناك حالة استنفار من جانب الجهات الأخرى من مسلسل الاختيار وأنا قعدت 7 سنين لم أذكرهم باسمهم كنت بذكرهم باسم أهل الشر عشان يتراجعوا عن شرهم.
وقال الرئيس السيسي، إن مشهد تهديد الجيش حصل 3 مرات، والقيادي الإخواني خيرت الشاطر هددني شخصيا لمدة 45 دقيقة وهو يحرك يديه بإشارة إطلاق النار، وقالي هنولع في البلد وهنجيب ناس تحاربكم من كل مكان.
وأكد الرئيس عبدالفتاح السيسي، إن مسلسل "الاختيار" كاشف لذوق وعقل المصريين ولم يختلف عليها أحد.
