أطلقت العنان لخيالها لتبدع في تصميم الطعام بأشكال مختلفة، فصنعت منه بيتا وشجرا، وأشكالا كثيرة، غيرت مفهوم الطعام بأفكار جديدة وأدوات بسيطة من المنزل.
تقول ياسمين طارق، ٣٧ سنة، بكالوريوس سياحة وفنادق: " بدأت الشغل في البيت من أربع سنين، وعملت من تحت الصفر من غير أي أدوات تساعدني، وبالوقت والمجهود اشتريت كل الأدوات والمعدات اللازمة، طول عمري عندي حلم يكون عندي سلسلة مطاعم وبرنامج أقدم فيه ابتكاراتي".
وتابعت: "أهلي شجعوني وابتديت أحقق حلمي، اشتغلت لوحدي وعلمت نفسي كل أساسيات وتفاصيل الشغل بدون أي كورسات، بعشق التفاصيل الصغيرة، وبحب أستخدم أنضف الخامات، كل قطعة بعملها بتخيلها قطعة فنية مش بس للأكل".
وتختتم: "أحلى إحساس هو فرحة الناس بالشكل والطعم، بعتبر شغلي فن ومهارة يدوية، والحمد لله الشغل كبر وحلمي في طريقه للتحقيق، ولكل مجتهد نصيب، واللي بيجري ورا حلمه ويسعى لتحقيقه أكيد هيوصل".
