لم يمنعهما تفوقهما الدراسي ووصولهما إلى كلية الهندسة وعملهم بشركة مقاولات كبرى أن يفكرا خارج الصندوق لكي يزيدا من دخلهما باكتساب حرفة بجانب عملهما الأساسى.
تقول لمياء ممدوح، مهندسه معماريه في شركة مقاولات، زوجى محمد سعد، مدير إداره شبكات في نفس شركة المقاولات تزوجنا منذ ٩ سنوات، ويمتلك زوجى هواية الصيد وبدأ يفكر في مشروع بيع سمك بحر أحمر فقط ويكون ميزته انه يكون طازج مش مجمد وبدأت أدعم فكرته وأشجعه لان قليل اللى بيبع سمك فريش جاى من البحر وان الفكرة مميزة.
بدأ يطور نفسه أنه يعرف معلومات عن جميع اسماك البحر الأحمر وأنواعها وازاى نفرق بينها وبين المزارع وبدأ يروح السويس أكبر سوق في مصر يبيع أسماك البحر الأحمر بأنواعه ويقابل التجار والصيادين وبدأنا ننشئ جروب يسوق جميع الأسماك المتاحه فريش فقط وننزل صورها ومعلومات عن كل الأنواع والمشروع يكون أونلاين يأخد السمك فريش من البحر في نفس يوم الصيد بتاع التجار ويبدأ يوزعها لجميع الأماكن في القاهرة، والجيزة، ومدينة بنها، عن طريق أنه كان بيحدد يوم كل أسبوع للسفر للسويس ونزل بوست لموعد السفر وأنواع الأسماك المتاحة في كل موسم وتبدأ الأعضاء في الطلبات ويبعتولنا والتوزيع يكون في نفس يوم السفر كل اوردر بيكون في بوكس مغلف بالثلج بتاعه يحفظه لحد العميل.
وأوضحت، انا كنت مسئولة عن الدعايه والإعلانات في الجروب والصفحة وبنزل طرق ووصفات طهى جميع أنواع أسماك البحر الأحمر والجمبرى واللى بيكون عنده أى استفسار عن أى وصفه برد عليه على طول، وبعد كده تتطور انه بدأ يتعلم طرق الصيد المختلفة وبدأ ينظم رحلات صيد مع أصحاب المراكب لتعليم الشباب طرق الصيد وساعات بتكون رحلات عائلية واوقات رحلات شبابية، وبعد كده تطور المشروع إنه بينزل رحلات صيد وبيع السمك اللى اصطاده للعملاء وينزل فديو اونلاين يوم الرحلة على الجروب وحققنا أرباحا وافتتحنا محلا في السويس مجهزا بثلاجة كبيرة جدااا وبدأ يتصل بينا أصحاب المحلات والمطاعم كبيرة لتوريد أسماك فريش طازة ليهم أسبوعيا بشكل مستمر في القاهرة والجيزة وبنها.
