قال الدكتور عبد الرحيم علي، عضو مجلس النواب، ورئيس مجلسي إدارة وتحرير "البوابة نيوز": إنه لابد ألا تدخل معركة المال السياسي في انتخابات مجلس النواب، مضيفًا: "مينفعش حد يشتري صوتنا بـ 100 جنيه".
وأكد "علي" في كلمته خلال زيارته لعائلات بدوي دسوقي، في محافظة الجيزة، اليوم الاثنين: "بطن الأرض أهون عليا أني أشوف واحد بيبيع صوته بـ100 أو 200 جنيه، بنشوف غلابة مش عارفين يعني أيه صوت أو اختيار أو أن الـ 100 جنيه هتوديهم في داهية"، مشددًا: "لازم نفهمهم أن الـ 100 جنيه هتوديهم في داهية".
وأوضح: "بنقدر ندي في الجمعيات فلوس أكتر من الـ 100 جنيه، والدولة عملتلهم صندوق تكافل وكرامة بيدي 400 جنيه، كما أن صندوق تحيا مصر فيه مليارات ومعمول عشان الناس دي".
وتابع: "ليه نقبل أن الناس تاخد 100 جنيه عشان تصوت لبصمجي، وبنتكلم في العموم في مرشحين نازلين الانتخابات بالشكل دا"، مؤكدًا: "آن لهذا العبث أن يتوقف".