اشتكى رئيس هيئة سكك حديد مصر، المهندس أشرف رسلان، ونائبه المهندس سامى عفيفى، لوفد لجنة النقل والمواصلات بالبرلمان، قلة الموارد المالية التي توفرها الدولة لتطوير مرفق السكة الحديد، وهو ما أثار غضب الوفد البرلمانى الذى رد بحزم على هذه المطالبات التى وصفها بأنها مشروعة.
جاء ذلك خلال جولة الوفد البرلمان داخل ورش"أبوغاطس" المجاورة لمحطة رمسيس، والتى شهدت انطلاق الجرار الذى تسبب في الحادث الآليم أمس الأربعاء.
ورد النائب هشام عبدالواحد، رئيس لجنة النقل والمواصلات بمجلس النواب، على مطالبات رئيس الهيئة ونائبه، بقوله: "يا جماعة قلنا كذا مرة لو عايزين فلوس قولوا لنا، واحنا مش بنأخر عليكم حاجة"، متسائلًا: "انتوا عمركم طلبتوا فلوس من البرلمان ورفض؟".
ليعيد رسلان حديثه مرة اخرى، قائلًا: "احنا قلنا الحل هو توفير فلوس للتطوير".
وسأل رئيس اللجنة البرلمانية: "في حاجة كانت تقدر توقفه من هنا لحد هناك ".
وأجاب المهندس سامى عفيفى نائب رئيس الهيئة لقطاع الصيانة بهيئة سكك حديد مصر: "لا مفيش حاجة حضرتك لانه كان مسرب يعني مكنش رابط وكان فاتح السرعات على الآخر"
وعاد رئيس اللجنة ليسأل قيادات الهيئة: "يعني مفيش حاجة تيكنل إلكترونية زي اللى في كل الدول".
ليرد عليه نائب رئيس الهيئة لشئون الصيانة، قائلًا: "ده وضع طبيعي"، فقاطعه رئيس اللجنة البرلمانية بقوله: "ركز معايا هنا، في وسائل أخرى نحن نستطيع اننا نوقف القطار أوتوماتك بدل التحكم الذاتى"
ليرد عليه نائب رئيس الهيئة: "لا مكنش ممكن، بس كان ممكن من البرج بقي".
وقال النائب وحيد قرقر: "البرج كان هيدخل قطار تاني لولا سمع الناس بتقول حاسب".
ليرد المهندس سامى عفيفى، على حديث قرقر: "تقريبًا باللاسلكي بلغوا البرج إن في جرار جي بسرعة جنونية في اتجاه المحطة"، مضيفًا: "بتاع البرج امبارح في تحقيقات النيابة قال انه كان عدي البرج لقطر رصيف 8 اللى جي من اسكندرية وهيقف في المحطة كان هينزل هو كمان زي اللى نزل قبله".
وتابع عفيفي: "لكن هل الزمن اللى عنده كافي، لكن المهندس هانى قاله كان فاضل 10 ثوانى بس، لكن لو عاد الطريق دقيقتين ونص، فقال انا عايز بقي الجماعة بتوع الإشارات يقولوا لنا الزمن أد ايه، هل الراجل ده قصر في عمله".
وطالبه قرقر، بعدم التطرق نهائيًا للجزئية التى تبحثها النيابة، لافتًا إلى حديث رئيس لجنة النقل بأن الحادث تسبب فيه عنصر بشري وهو ما لا نريد تكراره في المستقبل وهذا وارد أن يتكرر والأساس قلنا لابد من وجود 2 في جرارات الورش أو في الطوالى، مينفعش قطار بعد كده يطلع من المحطة إلا لما يكون فيه اتنين زي زمان".
فقاطع نائب رئيس الهيئة، وحيد قرقر، قائلًا: "وعامل مناورة كمان"
من جانبه، عقب النائب هشام عبدالواحد، قائلًا: "طالما انت عارف كده، معملتش ده ليه، وبتقولى واحد واتنين وتلاته، وعامل مناورة كمان".
وأكد رئيس الهيئة أشرف رسلان، أى منظومة السائق يتحرك فيها يكون طبقًا لإشارات يا إما كهرباء يا إما أحواش، والأحواش مفيش فيها مشكلة لأن زي ما سيادتك في اشارة مرور تاخد يمين أو شمال وخلاص".
