أعد الملف: محمد لطفي وياسر الغبيرى وأحمد صوان وأميرة عبدالحكيم ومحمود عبدالله تهامى
تصوير: هشام محيي ومحمود أمين
تنشر «البوابة نيوز» للمرة الأولى قصيدة مجهولة الاسم وغير مكتملة للخال عبدالرحمن الأبنودى، كتبها بخط يده منذ فترة طويلة، وأهدتها زوجته السيدة نهال كمال لـ«البوابة نيوز»، مُشيرة إلى أن القصيدة تمت كتابتها منذ زمن طويل، وفق اللغة والمفردات المكتوبة.
وكتب الخال:
مين اللى علمنى أخالف البشر
واعشق ضمير الرمل..
والحجر؟؟
واعلق القلب العنيد
فى شوكة الصبار؟
وانساها بحر وريق
عجاج وحفيف
وارمى ورايا النهر والأشجار
والأهل والسّْمار
واعشق سراب كأنه طعم الشراب
فى مكان بعيد..
أبعد من الغربة وصوت المطر؟
مين اللى نقل الصحرا فى قلبى
وحرمها طعم الضل يا ربى
تمشى معايا الصحرا وتدور بى
حواليا..
فين ما باحّا..
والا العيون اللى تملى تهل
من المدى.. وتاخدنى للمجهول
ولا كنت أعرف فى زحام الناس
إن الكتير بيقل
والانتظار بيطول
وبنتقتل إحساس
ورا إحساس
كانت تاخدنى الدنيا على كيفها
دلوقت واخدانى على كيفى..
