أكتوبر 2024
=صباح الخير يا حبيبتي
-صباح الفل يا حبيبي
=هي الساعه كام يا بيبي؟!
-الساعه 11 يا حبيبي يلا عشان متتأخرش على الاجتماع بتاعك في المستشفى... وبعدين سوزي صاحبتي هتيجي تعمل بليتشنج (تبييض) عندك بليل ياريت تظبطها عشان مسافره مع جوزها النمسا بعد بكره
=حاضر يا حبيبتي... أنا هقوم آخد شاور... قولي ل أوشين تجهزلي البريك فاست بتاعي.. عشان هنزل الجيم اعمل الورك اوت بتاعي وبعد كده ا فتح "الزد باد "اشوف الاخبار ايه واقلب شويه في الفيس بوك
-من عنيا.. وأنا هصحي فرأس... ومازن... ودولت عشان رايحين كامب مع المدرسة والمفروض يكونو هناك الساعه 12
..... بيدخل الحمام... بيقف الباب وراه.. بيفتح الدش بيقفل الباب الازاز اللي عند الدش عليه -طبعا مش حاطين ستاره على البانيو والجو الرخيص ده - المايه السخنه بتشتغل...بخار المايه بيجي على الازاز..... بيعمل هو هااااااااااااااحح بتزيد الشبوره اللي على الازاز بيرسم قلب وبيعمل سهم
(J_____ love _____N)
بيلف الفوطة نحو وسطه بعد ما بيدهن جسمه بزيت جونسون بالكامونيل... بيطلع من الحمام بيفطر مع المدام... بينزل الجيم تحت في الفيلا بالاسانسير... بيلبس البدله.... بيدوس على ريموت الجراش بيفتح الباب وفجأه !!!!!!!
- انتي يا هانم !!! فين العربية الـ911 السودا !!!
=حبيبي...ميزو اخويا راح بيها الجامعة عشان كان مستعجل وعربيته لسه بتتصلح !! أنا نسيت بس أقولك حبيبي !!
- بجد مش ممكن ايمبوسيبل !! يعني اروح الاجتماع بأيه ؟! وانتي عارفه أنه اجتماع مهمفشخ
=يا حبيبي عندك ال 912 وال 913 وال 914...روح بأي واحده
- انتي بتهرجي ! دي ارقام اتوبيسات نقل عام مش عربيات يا هانم
= يا حبيبي بداعبك هاهاها جوكز وكده فرفش... روح بال 911 الزرقا النهارده عشان خاطري
- انا خلاص لبست البدله السودا...والساعه السودا...والجزمه السودا...بجد مش طالبه فصلان...اوف بقي
== بابي بابي كنت عاوز 5 آلاف جنيه عشان اجيب الجزمه النايك اللي قولتلك عليها
- انا ناقصك انت كمان !!! هو يوم باين من أوله !!مفيش غير 4 آلاف بس...مش لازم نايك هاتها بومه... هو انا بلاقي الفلوس في الارض !!! انا طول اليوم شقيان...تبييض على تركيب على حشو...وانت في الاخر تيجي تفرتكوا الفلوس كده !! فلوس حرام اياك...وبعدين مش لسه دافعلك نص مليون مصاريف المدرسة انت واخواتك !!! اجبلكم منين ؟!
متقوليلوا حاجه يا ناريمان !!!
=انا عمرك ماشفتك بترفضلهم طلب وبعدين ايه يعني جزمه ب 5 آلاف !! الأسعار ولعت !!! انت عارف كيلوا اللحمه بكام ؟! ب 500 جنيه.....
- انا مش عارف مالي... استغفر الله العظيم.... مازن حبيبي خد 10 آلاف هاتلك الجزمه و3 شرابات... كان على ايامي ال 3 شرابات ب 10 جنيه بس انتوا ايامكم صعبه ميكي...
يلا انا نازل رايح الشغل...باي HONEY...باي مازونه حبيب بابا
بيركب العربيه... بيمشي في الشارع... سامع صوت كلاكس... مش راضي يقف
مفيش عربيات...الصوت ده جاي منين...بيكتشف أن ده مش كلاكس ده حد بينادي عليه بصوت عالي...وبيقوووول
+محمد..... محمدددددددددددددددد........... انت يا زفت؟!
-زفت !!انتي ازاي تكلميني كده ؟! انتي مش عارفه انتي بتكلمي مين!!!
+بكلم مين !! ابني الفاشل !!!! الساعه بقت 5 قوم يا منيل على عينك يا فاشل...قعدت تقول بعد الماجستير...هنغنغكم.... قوم شفلك مستوصف اشتغل فيه بدل قعدتك دي بقالك 7 سنين مخلص ماجستير مدخلتش علينا بكيس جوافه حمضانه حتى....قوم
- يووووووه صحتيني يا امي من احلي حلم..... مش عارف أأجر شقه مفروش احلم فيها؟!...طب ع العموم خلي اوشين تحضرلي الفطار عقبال ماخد شاور
+شاور !!!!!!!!!!!!!! بقولك ايه المايه قاطعه بقالها أسبوع...ومش باقي غير شويه مايه في ازازه بنشرب منها...قوم البس أي حاجه وابقي انزل خد شاور في أي كولدير تحت...وبالنسبه للبريكفاست ياروح مامي...فيه جبنه اسطنبولي عندك في التلاجه...بعد ماتخدها من التلاجه اقفل الباب كويس وازنقه بالكرسي عشان الباب باظ من كتر الفتح والقفل
قوووووووووووووووووووووم
-طب هاتي 5 جنيه اركب أوتوبيس 911 عشان اروح ادور على شغل...؟
امسك هما 4 جنيه بس... ولا اققولك...اتمش المشي رياضة.
