الحب وتفاصيله
ولياليه في سنينه
والشعر وتفاعيله
والقمر لما قال ياريت
وروحك لما تمسكها
ودقة قلبك لما تسمعها
وخطوتك أما تسيبها
يقولولك انك حبيت
معلهوش كبير ولافوقه حد
يوفي أوقات وساعات ع القد
لكن في الأصل كريم ووجعه لابد
أهو راح لحاله
وسابك في حالك
لا فرحة ولا حَزنَه
مخلوق لأنه هالك
من الصبر اتعلمنا التمني
واللي روحه ليك أكيد مستني
مش كل دقة قلب كانت ليك
لكن اللي جايلك جاي بالمللي
على قد لحافك مد قلبك
يستاهلك انت اللي حبك
بكرة أكيد جاي يا قلبي
وتحب اللي حَبَك
