عبرت الفنانة دنيا سمير غانم، عن سعادتها بمسرحيتها الجديدة "أنستونا"، وشاركت جمهورها صورة أثناء تحية الجمهور لها في نهاية العرض.
وكتبت "دنيا" عبر حسابها على موقع التواصل الاجتماعي "فيس بوك":" الصورة دي من مسرحية فارس وبني خيبان وكان عندي وقتها سنة أو سنتين ومعرفش ليه كنت بحب أطلع جنب بابي ومامي علي المسرح في وقت تحية الجمهور بس لما كبرت عرفت الصورة التانية من تحيتي للجمهور العظيم "أهلي" في مسرحية آنستونا اللي بتتعرض دلوقتي وأنا في وسط كل النجوم وصناع العمل اللي متشرفة بوجودي معاهم".
وتابعت:"الصورة دي فيها حلمي بيتحقق، واللحظة دي هي أكتر لحظة بحس فيها كل يوم إن بابي ومامي واقفين جنبي وبيبصولي بحب وفرحانين بيا وبعمل أقصي ما عندي من مجهود عشان بس الناس تسقفلي وأحس بيهم حواليا بابي ومامي بحبكوا أوي ربنا يرحمكم يا رب".
مسرحية "أنستونا" التجربة الأولى لدنيا سمير غانم على خشبة المسرح، وهى تأليف كريم سامى وأحمد عبد الوهاب، وإخراج خالد جلال، ويشارك في البطولة بجانب دينا سمير غانم كل من، بيومي فؤاد، كريم عفيفي، سامي مغاوري، عمرو عبد العزيز، مريم السكري، بسنت صيام، محمد سراج.
