منغير مانتكلم كتير , ومنغير مالف كمان وادور , وان كنت مش شايفاه أمير , ف عشان ده عندى أيسر نور ...
أيمن !! صحيح آسفة ان اسمك ، غيرته بس عشان لايقلك ، وكمان يمينك شايفاه شمال ، وتصرفاتك دليل يثبتلك ..
مطبلاتى ...وساعات كتيره مخلّصاتى ، مطرح ماترسي حواليها تجرى ، تنقل رسايل خيرت ومرسى ، تروح ماليزيا تروح لبنان ، فكرك بقه فكر الإخوان ، مابقاش يهمّك غير مين ع الكرسى...
مواقف كتير ماورتدش لحد , كفايه بس فضيحة السد ، سد النهضة والاجتماع ، اللّى احنا شوفناه لمّا اتذاع ، وقلت فى خيارات ومتاحة ، عشان بناء السد بجد ..!!
عملت صفقه وكام صحوبية ، وماكانش هدفك غير ملايين ، وآخرها ليك نصبة فى قضية.
علشان تطلّع حد سجين ، ومش عشان أنك مهتم ، أو مؤمن بيه قذّاف الدم ، علشان يا أيمن نور فهّمته ، مقابل الخروج يدفعلك قيمته ، ومرسى كان ريّس ومصاحبك ، ولو منّه تطلب هيصرحلك ، صيّاد صحيح وكبير فى اللّم ..
ياريت تفكّر كده فى كلامى ، مش انت قبل الثوره فقير ، وكام مساعده من أصدقائي ، هى اللّى عشت عليها كتير ، ده مش كلامى ده كان كلامك ، دلوقتى قوللّى ازّاى جه مالك ، وانت اللّى كان الفقر حالك ، وبعد برضه كمان أفراج ، وتقرير بكام مرض برضه جالك...
إفراج وصحى عشان عيّان ، دلوقتى ليه زى التعبان ، ضحكت ياما كتير ع الكل، والاسم وطنى ورافض الذل ، وانت الفساد نفسه فى إنسان ..
ولمّا تطلب لجوء سياسى ، جايز تكون حر وده عادى ، لكن الحقيقه مش بلادى ، هى اللّى تطلب يوم تسيبها ، ده خساره فيك ، أن انت عشت سنين فى بيتها ، ومش غريبه تيجى منّك .
حياتك انت لو حاسبها ، هتلاقى فيها وفاء قليل .. لبيتك وناسك ، ف مش بعيد ان أنت تنسى كمان بلادك .. واللّى ملوش خير يوم في أهله ، لا وطنه غالى ولا أى حد ...
علشان كده بضربة قلم ، هنسيبك انت للحكم ، وانا قولت رأيى وحرّه فيه ، علشان أنا صاحبة قلم.
