قررت الإعلامية رولا خرسا مشاركة جمهورها تجربة إصابتها بفيروس "كورونا" مؤخراَ، كما حذرتهم من عدة أشياء بخصوص "الفيروس"، وذلك عبر حسابها الرسمي على "فيس بوك".
وكتبت "خرسا": "يومياتي انا والكورونا.. الكوفيد دحلاب دحلاب.. رحت مشواري بتاع أكتوبر وكله كان ميت فل وعشرة وروحت بالليل في عربية شبابيكها مفتوحة..واكلت خوخ ونمت.. تاني يوم كنا في الاسبوع التاني من رمضان بدا مغص فظيع.. مصاريني بتتقطع.. قلت دا الخوخ اكيد مرشوش وهو السبب..ولا خطر على بابي ابدا ابدا انها كورونا".
وأضافت رولا خرسا قائلة: "قبلها بأسبوع صاحبتي كانت اكتشفت بعد شهرين عذاب والام في العظم جامدة جدا وبعد ما لفت على دكاترة عظم كتير..اكتشفت بالصدفة وهي مسافرة ان كل إلى هي فيه كورونا وكل وجع العظم راح بعد ما اخدت بروتوكول العلاج.. قبل كدة كل معرفتي بالكورونا رغم كل إلى بنقرأه انها أساسا حرارة وبرد وعطس..وبعدها الحاجات التانية.. وانا لازم اكون مختلفة كالعادة..بدا تقطيع في بطني..حاجة كدة زي الافلام اما يورونا مشهد تسمم..وربنا يسامحني لاني رميت الخوخ بعد ما اتهمته بابشع التهم..الم غير عادي ما وردش على قبل كدة وكل دا بقول: الخوخ السبب.
