يعانى من ألم المرض ليرقد على سريره عاجزًا عن الحركة، ولا يستطيع مساعدة نفسه بعد أن تخلى عنه أبناؤه؛ ليتركوه وحيدًا دون أن يلتفتوا إليه أو يقدموا له المساعدة، ومن بين حوارى عزبة أولاد علام بالدقى، تلتقى "صوت الناس" مع محمود بخيت الذى يبلغ من العمر ٧٠ عاما.
يتحدث بألم ومرارة عن ترك أبنائه له وهو في مرضه قائلا: "عندى جلطة في المخ، وعامل عملية في عينى وعيالى كلهم سبونى، ولا حد فيهم بيسأل عليا منهم، جيرانى ربنا يجازيهم خير كانوا خيرا من أولادى وهما اللى بيساعدونى، مرة يشترولى الدواء، ومرة يجبولى أكل".
ويستكمل حديثه: "مش عارف أجيب منين فلوس أتعالج بيها، وكل يوم عايز مصاريف أكتر، ومفيش حد بيجيلى أو يسأل فيا من أسرتى، وسايبينى وحدى ومعاشى ٣٥٠ جنيها وعلاجى بـ ١٢٠٠ جنيه وأنا مليش أى مصدر رزق".
واختتم حديثه قائلا: "كل ما أتمناه هو أن يتحمل شخص نفقات علاجى بدلا عن عيالى الذين تخلوا عنى".
للتواصل مع الحالة: ٠١١١٢٥٧٨٩٨٧
