أطلق الفنان حسن الرداد، اليوم الأربعاء، مبادرة خيرية جديدة عبر حسابه الرسمي بموقع تبادل الصور "إنستجرام"، لصالح المركز القومي لنقل الدم بالعجوزه.
ونشر الرداد فيديو جديد قال خلاله: "طبعا إحنا بنمر بظروف صعبة جدا وده أكتر وقت إحنا محتاجين إننا نقف جنب بعض فيه.. مفيش أهم من صحة الإنسان وفى ناس قدرها إنها تفضل تنقل دم طول عمرها وحياتها ممكن تتعرض للخطر لو الدم دا قل علشان كدة أنا فكرت أعمل المبادرة دى علشان أشجع الناس إنهم ينزلوا يتبرعوا بدمهم لننقذ أهالينا وكل حبايبنا.. أنا بتحدى في المبادرة دى أحمد السقا وإيمى سمير غانم وعمرو يوسف وأمير كرارة ورامي رضوان وهشام ماجد إنهم يعملوا فيديوهات ويشجعوا أكبر قدر ممكن من الناس علشان ينزلوا يتبرعوا بدمهم لصالح المركز القومى لنقل الدم في العجوزة وكل فروعه على مستوى الجمهورية، وطبعا نخلى بالنا من نفسنا ونروح في الوقت المخصص للنزول فيه، ونلبس كمامات ونلبس جوانتيات وإن شاء الله ربنا يحفظنا ويحفظكوا".
