شن حمو بيكا مطرب المهرجانات، هجومًا شرسًا على المطرب حسن شاكوش، وذلك من خلال فيديو نشره على صفحته بموقع التواصل الاجتماعي "فيس بوك".
قال "بيكا": "ربنا مش بيرضي بالظلم.. واللي عايز اقول لكل الناس أنا تاريخي مليان منها: عنبر جنايات ووداع يا دنيا وداع وحاجات كتير"، مضيفًا: "تعالي انت بقي يا شاكوش قولي تاريخك في الحياه ايه وانا اللي عملتك اصلا والناس عارفه تاريخك ايه".
وتابع: "ياريت يا حسن يا شاكوش، تقول تاريخك بشغلك، واحنا اللي خليناك تتشاف واحنا اللي عملناك واحنا علمناك تغني اصلا، ودي اول رسالة وبعد كده في الاستوديو هنا كاميرات وهطلعلك القديم وانت كنت قاعد هنا".
ووجه رسالة إلى نقابة الموسيقيين قائلا: "اشمعني شاكوش بيغني بتصاريح وانا لا ؟!.. ما ينفعشي كده، انا محدش هيمنعني انا برضه من حقي اغني ولو عايزين يا نقابة تعملوا تصاريح للمهرجانت واي حد يقول لفظ جارح امنعوه، وانا عندي حفله في أمريكا في شهر أبريل القادم ومحدش هيمنعني منها لاني مش مسجل وهسافر زي اي حد".
