مش قادر أصدق إنك بعيد عنى بقالك سنتين.. فى الفترة دى عدت عليا مواقف كتيرة، كنت فى أشد الحاجة لوجودك بجوارى. آخر سنتين قبل رحيلك، كانت أكتر فترة قربتنا من بعض جدًا وقضينا وقت أطول مع بعض.. اتكلمنا فى حاجات كتيرة وعرفتك أكتر.. يمكن ده خلانى أندم على كل فرصة ضيعتها ولم أكن جنبك وأتكلم معاك وأتعلم منك. الحاجة اللى أنا متأكد منها إن فى ناس كتير مفتقداك زيى بالضبط.. كتير من محبيك وتلاميذك اللى اتعلموا منك حب البلد دى وإزاى يحافظوا عليها.. أنا متأكد إنك مرتاح وفى مكان أحسن بكتير وهنفضل كلنا أولادك وأحفادك وعائلتك ومحبيك نفتخر دايمًا أننا ننتمى لرفعت السعيد.
