أصدرت دار نهضة مصر للنشر كتاب "أخبار سارّة " للكاتبة سارة هجرس، والذي يُعد كتابها الأول، وتقيم الدار حفل توقيع للكتاب الجديد يوم الأحد 6 يناير الساعة السابعة مسًاء بمكتبة "ألف" الميرغني.
"أخبار سارّة" هو كتاب اجتماعي ساخر تخاطب سارة من خلاله الأمهات والفتيات المقبلات على الزواج بأسلوبها الذي يعتمد على إظهار المفارقات الكوميدية في تصرفتنا اليومية ومعاناة الأمهات في تربية الأطفال والتجاوب مع حواراتهم العجيبة.
تبدأ سارة الكتاب بقولها:" سُئلت امرأة حكيمة: من أحب أبنائك إليك؟ قالت: النائم حتى يستيقظ، والشبعان حتى يجوع، واللي في المدرسة حتى يعود، واللي ماعندوش هوم وورك ولو كذبًا" في تحوير مضحك للحكمة العربية القديمة.
وتقدم نفسها في مقدمة الكتاب: "أنا سارة.. ست مصرية أربعينية، متزوجة وأعول، وعندي طفلين، باشتغل كاتبة ساخرة وده بيبقى مربك جدًا لما بيسألوني عن وظيفتي في إجتماع مجلس الآباء في المدرسة، وموسى جوزي بيشتغل "نحات" وده بيقفلها خالص بقى لما يسألوه عن وظيفته في نفس الإجتماع!".
في صفحات الكتاب الـ 300 تقسم سارة هجرس مواضيعها بين إرشادات مضحكة للسيدات، وبين حوارات بينها وبين أفراد أسرتها.
من الإرشادات: الفراغ العاطفي المفاجئ واحساسك الملح إنك محتاجة "احتواء". ولا الهوا بقى،إنتي كده زي الفل، إشتري مني، إنتي اصلا اختارتي كلمة "احتواء" بالتحديد علشان انتي مش محتاجة أي حاجة خالص وبتلوشي! هو الإنسان ممكن يجيله نقص احتواء ازاي لامؤاخذة؟ بيحس بإيه؟ محدش بيحتاج احتواء، احتواء مش كلمة أصلا! ده لفظ فضفاض كده لجر الشكل! - احتويني! - أيوة يا ست الكل أنا عينيا ليكي يعني بس اللي هو إزاي؟ - معرفش! احتويني وخلاص! مش عارف تحتويني؟ طب طلقني!
تتوزع الإرشادات بين عدة مواضيع مثل: كيف تفرقين بين الحزن الحقيقي وبين حزن الهرمونات- شوية أدلة وبراهين أنك عديتي الأربعين- أهم ما قيل عن سواقة العربيات- نصائح ونفحات رمضانية من ست أربعينية.
أما حوارتها مع الأسرة فتتناول الطبيخ وهناكل إيه النهاردة، والريجيم، وعزومات رمضان، والرومانسية، والرد على استسفارات الأبناء حول الدين، والتعليم، والأخلاق العامة. والاستعداد للـ "دش بارتي" وحفلة عيد الأم وحفلة التخرج من كي جي تو!!.
سارة هجرس فنانة تشكيلية احترفت لفترة تصميم أغلفة الكتب، ثم تفرغت للكتابة الكوميدية والساخرة فشاركت في كتابة مسلسل الكارتون القبطان عزوز، وكتابة برامج الفنان أحمد أمين الشهيرة (30 ثانية) و(البريك) و(البلاتوه).
