وجه الفنان محمد محمود عبدالعزيز منتج مسلسل "الأب الروحي" بالمشاركة مع المنتج ريمون مقار، رسالة لفريق عمل المسلسل بمناسبة بدء عرضه على قناة "dmc" الأحد المقبل.
وكتب الفنان على صفحته الشخصية عبر "إنستجرام": " العمل الوحيد اللى للاسف ماقدرتش احضر أيام تصويره نظرا لظروفى اللى الدنيا كلها بقت عارفاها الحمد لله على كل حال، الحلم الحمد لله حصل زى ما تخيلناه أنا وأخويا الكبير ريمون. النهارده حابب اشكر كل النجوم اللى شاركوا فى الأب الروحى واللى وجودهم اكيد ".
وأضاف: " كتير للعمل وعلى رأسهم عمى اللى يا رب يكون عارف انا بحبه قد ايه أستاذ محمود حميده ربنا يخليك ويطول فى عمرك، وحابب أشكر كل الوجوه الجديدة اللى ان شاء الله بينتظرهم مستقبل كبير واللى إن شاء الله هيبقوا نجوم بفضل ربنا وحب حضراتكم ودعمكم ليهم، بشكر المؤلف المجتهد هانى سرحان ومدير التصوير المتميز حسين عسر والمخرج الرائع بيتر ميمى، وبشكر رجالة فنون مصر اللى كانوا واقفين وقفة رجاله بجد ورجالة الإنتاج طبعا، وطبعا لن انسي الجنود الجهولين وهم كل فنيين المسلسل فى جميع الاختصاصات، تسلم ايديكوا كلكوا وان شاء الله روح الحب اللى بيننا كلنا هتوصل للناس وهيحبوا العمل ويصدقوه زينا بالظبط".
