ولدى..
إحلم تكون إنسان
إنسان بجد
ماتكونش غيرك
ولا تسمح يكون لخيالك حد
خليك طوق نجاه
لأى إيد تتمد
شهم وجدع
سند للبلد
سيد مكانك
ولا يوم تبقى لغير ربنا عبد
إكسر شيطان خوفك
و إغرس فى عين الظلم سيفك
إن سمعت الأدان..
لَبِّى
ساحة الميدان..
مسجد
ساعة العمل..
شوقك
إزرع فسيلة خير
طيور الدنيا
تدعيلك
والطغيان
مش هيلاقى له أرض
هِد أسوار الجهل
بعلومك
فنونك..
تبنى حضارة ومجد
إرسم يا ولدى
بلادك
بالسنابل..
ورد
