يُسَرّ فلان
بدعوتكم
لحفلة شاي
هنسمع فيها كام غنوة
ووصلة ناي
ونفحص عجلة الإنتاج
نشوف كام نكته معطوبة
ونحدف ع الهوس طوبة
ليكرف منّا طعم الشاي
يُسَرّ فلان
بدعوتكم
على رقصة
هنسرد فيها كام قصة
ونرقص ع الإيقاع مقلوب
ونكتب حلمنا المشطوب
ونطلب ييجى كام مطلوب
ملخصهم
بإن الفرح يتوصى
يُسَرّ فلان
بدعوتكم
على ضحكة
تفتّح لينا كام سكة
وتنجدنا من العكة
فنضحك ع الهوى الغشاش
وننسى بكل قوتنا اللى راح ببلاش
لكن يؤسفني
أبلغكم
بإن الداعى للحفلة
بوده يكون فى وسطيكم
لكنه ما جاش
