رسائل للسيسي من بورسعيد تدفئ شتاء المصريين.. 1500 قرية في طريقها إلى التطوير المتكامل.. 2021 عام فارق في تاريخ السكة الحديد

وتستعرض البوابة نيوز أبرز رسائل الرئيس السيسي والتى جاءت كالتالى:
- 1500 قرية في طريقها للتطوير بشكل كامل.
- تطوير القرى لا يتوقف على هيئة المجتمعات العمرانية أو وزارة الكهرباء فقط.. نحتاج إلى حشد كل الطاقات وليس فقط المجتمع المدنى أو الحكومة ولكن نحتاج إلى المواطنين أيضا.
- هذه المشروعات سوف تساهم في توفير فرص عمل للمقاولين المحليين داخل هذه المراكز.. والاستفادة من الصناعة المحلية وهذا الأمر في الاعتبار لتحسين وتشجيع الاقتصاد المصري في ظل ظروف كورونا.
- الدولة تعمل حاليا على تحسين قطاع الكهرباء بعدما تم حل المشكلة وغيره من القطاعات.. احنا مش بنبيع الوهم للناس.. والوهم ده منعرفوش.. وبعد حل المسألة.. بنطور ونحسن.. والرقم الكبير لتجاوز المشكلة.
- استعرض الرئيس السيسي عددا من المشروعات الجديدة التي تنفذها الدولة في مجال السكة الحديد قائلآ: "النقاش مقبول ونحترمه ونقدره.. قطاع السكة الحديد حاليا نحو 10 آلاف كيلو.. وعلينا النظر إلى هذا القطاع قبل تطويره".
- الدولة لن تترك هذا القطاع.. تم البدء في ميكنة وكهربة الخطوط.. وتطوير المحطات والمعدات مثل الجرارات والعربات وغيرها.. ومع ظروف كورونا.. ومع نهاية 2021 لن نجد عربة على السكة الحديد قديمة.
- الدولة المصرية تنفذ المشروعات الجديدة من أجل المصريين.
- بسمع بقى.. فين التعليم من التطوير.. احنا مش سايبين حاجة.. وشغالين في كل حاجة.. ولما تسألونى عن التعليم.. أنا أسألكم عن تحديد النسل.
- الدولة تعمل في تطوير مجال التعليم بشكل متوازن مع كل حل المشكلات والقضايا الأخرى.. ومع بداية الفترة كان يتقال ركز مع التعليم.. وهل ينفع نصرف كل الموارد على التعليم فقط.. نعمل على كل القطاعات.. والدولة المصرية وفق ظروفها تحتاج إلى العمل في كل القطاعات.. لو طالبتنى كل شيء هطالبك بشئ واحد.. النمو السكانى اخباره ايه؟.
- الريف سيتغير شكله في خلال 3 سنوات بشكل كبير.
- إن شاء الله هندخل الريف في خلال 3 سنوات وهنخرج منه حاجة تانية خالص.. مصر تانية.

- أكبر رقم تتكلفه المشروعات في قطاع الصرف الصحى.
- ننشئ محطات معالجة ثنائية وثلاثية طبقا للموقف.. ولا يمكن يبقى فيه صرف يلقى الترع والمصارف مرة تانية إحنا بنخطط لعملنا وماشيين بتدرج متوازن جدا.
- أول مشكلة كانت بتقابل الناس كانت في قطاع الكهرباء والطاقة.. وعلشان نرفع كفاءة القطاع ده بنتجاوز 1000 مليار جنيه.. المصانع كانت بتقفل بسبب الكهرباء والمستشفيات كانت بتقول فيه خطورة على حياة الأطفال في الحضانات.. والنهاردة عندنا كهرباء زيادة ونقدر نصدر لدول الجوار.
- إحنا ما سبناش قطاع إلا واشتغلنا فيه.. وعندنا مشكلة في مصر والناس كلها قالت مش ممكن حد يقدر لكن ربنا قدرنا.. واللى بيشتغل في مصر شركات مصرية ولو كان ده اتعمل بشركات أجنبية كنا هنتكلف كتير لأنه كان هيبقى بالدولار مش بالجنيه.
- القطار السريع المتوقع إنشاؤه من مدينة 6 أكتوبر وحتى محافظة أسوان سيوفر الوقت بشكل كبير على المواطنين.
- أنا بعمل ده لأهلى في مصر.. اللى نسبة كبيرة منهم على الخط بيركبوه بدل ما المواطن يبات في القطار.. القطر الجديد هياخد من أكتوبر لأسوان في 4 ساعات.
- هناك لجنة عليا في مجلس الوزراء تراجع كل الإجراءات المالية للمشروعات.. اللجنة العليا تناقش كل قرض بناخده.. يعنى مفيش حاجة بتتعمل وخلاص.. وفيه برلمان بيراقبنا ويشوف إحنا بنعمل ايه.. يعنى منقدرش نتجاوز.
- مشروع قطاع السخنة – الإسكندرية – العلمين.. تقدمت إليه مناقصات بقيمة 19.5 مليار دولار ورقم آخر بـ10 مليار دولار لإنشاء خط بطول 450 كليو متر بس.. قلتهم مش هعمله بالرقم ده.. والرقم اللى قلناه بفضل الله سبحانه وتعالى ربنا حققه.. ووصلنا لإنشاء 2000 كيلو متر بتكلفة 350 مليار جنيه.
- شركات في مصر كتير نمت وكبرت من الشغل اللى إحنا عملناه خلال الـ6 سنوات اللى فاتوا ولسه إحنا شغالين.. وبالنسبة لخطوط السكك الحديدية اللى بنعملها هو هدف كبير.. وإحنا شغالين وبنعمل لأهلنا في مصر.
- الزيادة السكانية داخل الدولة المصرية قضية كبيرة تحتاج إلى الاهتمام من كافة قطاعات الدولة.. دى قضية كبيرة.. وتحتاج إلى تكاتف جميع الجهات داخل الدولة سواء أجهزة الحكومة.
- الدولة فيها جهد جبار وإنجازات ربنا سبحانه وتعالى موقفنا فيها.. مش قادرين نوصلكم حجم العمل.. انا عاوز ارفع مستوى المواطنين.. كل المواطنين.. بس دايما النمو السكانى والزيادة لا تعطينا الفرصة لهذا الأمر.. الهدف ان المعدلات مش بتزيد وتتراجع بسبب زيادة معدل النمو السكانى بشكل كبير ودون توزان.
- في الافتتاحات السابقة عرض المهندس مصطفى مدبولى رئيس الوزراء حجم الإنجازات داخل الدولة.. كان لدينا 4 ملايين مواطن و4 ملايين فدان.. أصبح لدينا 100 مليون مواطن.. ولكن ليس لديك 100 مليون فدان.
- الدولة تتعامل بشفافية في مختلف القضايا.

- المشروع القومى لتطوير القرى يهدف إلى الحفاظ عليها وتطويرها بشكل كامل وكذلك الحفاظ على الترع، واطالب قادة الجيش والأفرع المشاركة في هذا المشروع المهم.
- في خلال 3 سنوات سيتم حل كل مشكلات الريف
- خطوط الكهرباء الممدودة فوق المنازل اللى معمولة غلط، هنشيلها وهنخليها أرضى.. وهنحسن كفاءة شبكة الكهرباء في الريف".
- ينبغى أن يكون الجميع في مصر يد واحدة للارتقاء بالدولة.
- لازم نكون كلنا إيد واحدة.. الحكومة والشعب والمجتمع المدنى وكل المسئولين وحتى الشرطة المدنية في القرى.
- خلال شهر يناير هنعمل مركزين ضمن تطوير القرى.. وإطلاق المشروع بالكامل هيكون في الشهر المقبل.. وهنلاقى الهيئة الهندسية وهيئة المجتمعات.. حجم المعدات طالع متنظم بشكل واضح جدا وكل مركز هيدخلوه يعملوه شغله".
- وجه الرئيس كلامه إلى رئيس الهيئة الهندسية للقوات المسلحة قائلا: أشوف 26 مركز زي الكتاب ما بيقول.. والدكتور مصطفى مدبولى هو المسئول عن الـ24 مركز التانيين".
- العالم ينظر إلى مصر بسبب التعامل مع أزمة كورونا باندهاش.. ماتندهشوش.. كلها جنود لله سبحانه وتعالى.. وربنا لا يسلط علينا جنوده".
- الدولة تتعامل بشفافية في مختلف القضايا.. مشكلة الزيادة السكانية أو غيرها.. التعامل بشفافية ونعرض عليكم كل شيء.. والافتتاحات تكون فرصة للاطلاع على هذه المشروعات القومية التي يتم تنفيذها في مختلف الجهود".
- المشروع القومى لتطوير القرى يهدف إلى الحفاظ عليها وتطويرها بشكل كامل وكذلك الحفاظ على الترع، مطالبا من قادة الجيش والأفرع المشاركة في هذا المشروع المهم".
- تطوير قطاع اللحوم والألبان يتم وفق أعلى المعايير والمواصفات.
- نسعي لتحقيق أعلى المعايير العالمية في منتجات الأسماك.
- الدولة تعمل على تطوير مراكز تجميع الألبان بحيث تكون مطابقة للمواصفات العالمية.. من حق المصريين أن تكون كل حاجاتهم مطابقة للمواصفات العالمية.
- تكلفة الشهادة بهذه المراكز الخاصة بالألبان والتي تصل إلى 50 ألف جنيه يتم توفيرها للوصول إلى العالمية.
- نسعى لتوفير لكل مواطن مصرى وطفل لبن جيد جدا ومنتج جيدا جدا سواء بشكل مباشر أو في أدوات أخرى من الأجبان وغيرها.
- الدولة تسعي لاستعادة معدلات إنتاج البحيرات من الثروة السمكية ونحشد كل الطاقات المطلوبة للانتهاء من تطوير بحيرة المنزلة.