صدر حديثا عن دار نشر atbook house كتاب "مِن هِنا" للكاتبة واللايف كوتش هنا رضوان، حيث يأخذ الكتاب شكلا مختلفًا يقوم على الجانب التفاعلي ومشاركة المادة الصوتية لجلسات استرخائية يمكن الوصول إليها عبر علامات في الكتاب يمكن الانتقال منها عبر الإنترنت والصفحة الشخصية للكاتبة.
يهدف الكتاب إلى تنمية الجوانب الذاتية لدى الشخصية، بحيث يصبح لدى القارئ القدرة على حب وتقدير الذات ومصالحة الطفل الداخلي ومسامحة الذات والآخرين.
جاء في مقدمة المؤلفة للكتاب: علشان تعيش سعيد، تعيش حقيقي، وتلاقي الحب الحقيقي، وتحب نفسك وتقدر ذاتك، وتنجح وتلاقي رسالتك في الدنيا، وحياتك تبقى مليانة وسع ووفرة وأمان. لازم تكتشف نفسك وتتعرف عليها من أول وجديد وتلاقي النسخة الحقيقية منك. اللي مش شبه حد، وتكون فيها متصالح مع نفسك وكل أحداث الماضي.
وأنت بتقرأ الكتاب ده بمنتهى الهدوء، أو بتسمع النسخة الـ Audio، وملتزم بترتيب الفصول هتسافر مع الكتاب ده في رحلة شيقة، وهتقابل ناس كتيرة، ومواضيع كتيرة هتتفتح وتتحل وتخلص. ومشكلات هتعرف أسبابها وهتلاقيها بتنتهي بطريقة غير متوقعة.
وكمان هتلاقي نفسك جوا الكتاب ده زي ما يكون مكتوب مخصوص علشانك، زي ما يكون واحد صاحبك أو الـ Guide بتاعك.. حد بتكلمه وهو بيرد عليك. في الواقع إنه حرفيًا ممكن نتواصل مع الكتاب عن طريق الصفحة الخاصة بالكتاب على فيس بوك.
لكن بعد ما تكون خلصت رحلتك مع آخر صفحة في الكتاب. كمان خد بالك وأنت بتقرأ من العلامة اللي معناها إنك تتفضل تدخل على الصفحة، وتسمع جلسة الاسترخاء الموجودة على الصفحة. واللي هتضاعف الاستفادة من الكتاب، وتزيد الاستمتاع برحلتك مع الكتاب.
كل كلمة في الكتاب مقصود مكانها وترتيب الفصول والألفاظ المستخدمة، حتى ترتيب القصص جوا الكتاب وده اللي هيخاليك تحس إنه "حي" سامعك، وحاسس بيك.
