«إحنا
مش عايزين نائب نشوفه فترة الانتخابات وبس، محتاجين نائب يعملنا مشروعات مش يدفع
فلوس ويشتري أصوات، محتاجين حد يحس بنا، وعبدالرحيم علي بنشوفه في التليفزيون
وإعلامي كبير، وسمعنا إنه قدم خدمات كتير لأهالي الدقي والعجوزة، وحبيناه وهنختاره
نائب لنا من كتر اللي بنسمع عنه واللي شوفناه النهاردة».. كانت هذه كلمات أحد
أهالي منطقة المنيب، بعد تلقي الخدمة الطبية في القافلة الطبية المجانية برعاية
النائب الدكتور عبد الرحيم علي، اليوم السبت.
وقال المواطن ويدعى «أبو
السيد»: «فكر الناس اختلف واللي هيدفع ١٠٠، ولا ١٠٠٠ محدش عايزه، واللي هيعمل خير
لنا وأولادنا هنقف معاه»، مؤكدًا دعمه للنائب عبدالرحيم علي، وأنه من أقوى
المرشحين في الدائرة وهو شخصية يعرفها الجميع.
واستطرد: «من عام ١٩٧٧
وأنا في المنيب وكان كل مرشح يقدم الوعود وما نشوفهوش إلا كل خمس سنوات، ولكن
الأهالي سمعت إن عبدالرحيم علي شغال باستمرار في مشروعات للشباب وتوظيف وأعمال خير
وحل مشاكل الناس وأنه من الناس ومع الناس ومش بيتغير بعد الانتخابات، وإحنا هنقف
معاه عشان متأكدين أنه هيقدم لنا أفضل الخدمات».
وانطلقت القافلة الطبية المجانية، لأهالي منطقة المنيب بشارع المدبح في محافظة الجيزة، تحت رعاية النائب عبدالرحيم على، عضو مجلس النواب، وتستمر القافلة في إجراء الكشف حتي مساء اليوم السبت.
