قال الدكتور عبد الرحيم علي، عضو مجلس النواب، ورئيس مجلسي إدارة وتحرير "البوابة نيوز": "لازم نبقى رجالة ونحمي صناديقنا في انتخابات مجلس النواب القادمة"، متابعًا: "عيب يبقى فيه رئيس الجمهورية السيسي بتتهز ليه قاعات العالم في الأمم المتحدة ويبقى الرديف المدني بتاعه ناس بتتكلم عن شراء أصوات بـ100 و200 جنيه وآخرين يتكلموا بطريقة البلطجة".
وأضاف "علي" في كلمته خلال زيارته لعائلات بدوي دسوقي، في محافظة الجيزة، اليوم الاثنين: "المسألة في أيديكم يا مصريين تبقوا رجالة وفي أيديكم انتوا تجيبوا الأوباش دول"، موضحًا: "لو اتكلمت عنهم تليفزيونيًا وإعلام وضرائب محدش هيوصل للانتخابات، بس أنا مش عايز أتكلم عشان يبقى فيه تفاوت في الفرص، عشان لما يسقط ما يقولش استخدمنا إمكانياتنا".
وتابع: "بقولكم وأنا واثق بعون الله وفضله ويقين في الله، حكاية لمّ البطاقات الشخصية مجهزين لهم مفاجأة حلوة في الوقت المناسب هنرد بطريقة هتحزنهم على لمّ البطاقات في التوقيت المناسب، وهلقنهم درس".
