هنأت الفنانة ليلى علوي الجمهور بحلول يوم عرفة، حيث نشرت ليلى صورة "الكعبة" من خلال حسابها الرسمي على "إنستجرام"، وعلقت على الصورة قائلة: "لبيك اللهم لبيك.. لبيك لا شريك لك لبيك.. ما أجمل التلبية والتكبيرات وإحنا بنرددها وبنسمعها وبنحس بيها ف كل حتة من روحنا وبنستحضرها كل ما بيقرب العيد، ويوم وقفة عرفة العظيم اللي بنستناه كل سنة علشان نجتهد فيه بالابتهال إلى الله والدعاء بالرحمة والعفو والرزق والمغفرة.. ومن السنة للسنة بنستنى طعم اليوم ده وريحته وإحساسه".
وأضافت "علوي": "صحيح قضاء ربنا السنة دي إن ناس كتير مايقدروش يكونوا موجودين في بيته الحرام بسبب الظروف الحالية لكن أملنا إن ربنا يستجيب الدعاء ويزيح الكرب والبلاء ونرجع نقف على عرفات السنة الجاية من جديد.. كل سنة وأنتم طيبين وبصحة وخير ومبسوطين ومتطمنين على حبايبكوا ومتونسين بيهم.. وقفة مباركة وعيد أضحى سعيد".
