وقع صبري زكي، مذيع راديو "إينرجي" ضحية مقلب دبرته الفنانة ريم البارودي بمساعدة وائل منصور مدير البرامج في "إينرجي"، خلال حلقة اليوم من برنامج "المقلب مقلوب"، والذي يعتمد على تدبير مقلب في أحد مذيعي المحطة بمساعدة فنان مشهور.
ويضع فريق الإعداد أسئلة مستفزة للضيف حتى يصب غضبه على المذيع، وقالت ريم البارودي لفريق "إينرجي": "إنتوا جايبين ضيفة ولا عايزين أي زفتة؟ لطيفة إيه يا حبيبي هو إنت عندك أسئلة لطيفة، مات تقولوا حاجة عدلة".
وبالغت ريم في إظهار الغضب حين طلب منها صبري زكي تقديم بعض النصائح في الارتباط قائلة "إنتوا بستفزوني؟ نصايح إيه للارتباط؟ هو أنا هبة قطب قاعدة قدامك؟ كده كتير، أنا مالي يا عم، إنتوا عارفين أنا عندي إيه وبصور إيه؟ سألتوني عن قيد عائلي والجزء التاني".
وتابعت "ارتباط إيه وأنا فاشلة في الارتباط؟ إنتوا بتملوا؟كل الأسئلة دمها تقيل.. إيه القرف ده؟ إيه العبث ده؟ هو عارف يسأل أصلا هو بيشتغل إيه الأستاذ؟"، في إشارة إلى المذيع صبري زكي.
وبعد كشف المقلب، اعتذرت ريم لصبري قائلة إنها لا تتعامل أبدا في الحقيقة بهذا الشر، وأن وائل منصور هو من أوقعه في المقلب.
