دعا الفنان محمد فؤاد، المصريين للنزول والمشاركة في الاستفتاء على التعديلات الدستورية، قائلًا: "بقول للي منزلش أنزل بلدك محتاجكم، ومصر تستاهل أن كلنا ننزل".
وأضاف "فؤاد" في حواره لفضائية "صدى البلد": "المرأة المصرية يتحط تحتها مليون خط وهي البطل في كل حدث، وهي الرقم الحرج، وبعتبر أن الست هي اللي أنقذت مصر، بمواقفها داخليًا وخلت العالم كله يعمل حساب لمصر".
وأوضح أن "المرأة المصرية هي اللي تعرف يعني حسبة أن المجتمع يبوظ وتعرف يعني إيه تهديد للمجتمع، لأن هي المدرسة والأم وكل حاجة"، مضيفا: "في ناس الصبح تؤيد وبالليل ترفض التعديلات.. ربنا هيحاسبنا على رأينا، لازم كله يراعي ربنا".
وتابع: "أجدع شباب في الدنيا هما الشباب المصري، وبتمنى أصحي في يوم وملاقيش حاجة اسمها فيس بوك، رغم إن اللي زيي بيحققوا ملايين من وراها.. لكن خراب الدنيا كله بسبب السوشيال ميديا".
